ხომ შეიძლება გულით მსურდეს და

ვერ შევიყვარო მაინც ...
ხომ შეიძლება მინდოდეს მძულდეს,
ვერ შევიძულო მაინც ...
ხომ შეიძლება ფრთები არ მესხას,
ცაში ვიფრინო მაინც ...
ხომ შეიძლება "ჩემი" არ გერქვას,
მაგრამ მიყვარდე მაინც ...
ხომ შეიძლება ჩემთან არ იყო,
შენს სუნთქვას ვგრძნობდე მაინც ...
ხომ შეიძლება გული გაიყოს
და ვსულდგმულობდე მაინც ...
მაგრამ ოცნებას, მიწიერ სურვილს
და სიყვარულის მორევს,
ვერ გავექცევი, თავს ვერ დავაღწევ,
აი, ეს მტკივა სწორედ!