მე ჩემს ოცნებას ჩამოვართვი ყველა უფლება

და,თითქოს რისხვით, გადავრაზე გულის კარები,
მე აღარასდროს აღარ ვეტყვი ვინმეს მიყვარხარ,
სხვის სიყვარულსაც უსაშველოდ დავემალები,
ვინც მიყვარდა და ამ ჩემს გულში ბინა დავუდე,
ვისაც ალერსით ავუხილე სულის თვალები,
ვისაც ვენდე და ამ ნდობაში სიცოცხლე ჩავდე,
ვისაც ოცნებით გამოვუღე გულის კარები,
სწორედ რომ იმან გამიმეტა მე ტკივილისთვის,
და სულის გულში დამიტოვა ღრმა იარები,
სწორედ ამიტომ აღარავის ვეტყვი მიყვარხარ,
სხვის სიყვარულსაც უსაშველოდ დავემალები..