ტრაგედია სენაკში - ავარიას ემსხვერპლა დედა და 2 მცირეწლოვანი ბავშვი

25.05.2015 10:55
ავარია მოხდა სენაკი-ფოთის ცენტრალურ მაგისტრალზე, სოფელ ჭალადიდის მონაკვეთთან. შემთხვევის შედეგად გარდაიცვალა 3 ადამიანი, დედა და მისი 3 და 5 წლის შვილები.
რუსთავი 2-ს ინფორმაციით, შემთხვევა მაშინ მოხდა, როცა დედას შვილები ბაღში მიჰყავდა და სავარაუდოდ, გზას კვეთდნენ. ქალს ბავშვებთან ერთად მსუბუქი ავტომანქანა დაეჯახა.
მანქანის მძღოლი მძიმე მდგომარეობა ფოთის რეანიმაციულ განყოფილებაში გადაიყვანეს. ექიმების თქმით, დაშავებულის მდგომარეობა კრიტიკულია.
შემთხვევის ადგილზე კი ამ წუთებში საგამოძიებო მოქმედებები მიმდინარეობს. გარდაცვლილებს ექსპერტიზას ქუთაისის საავადმყოფოში ჩაუტარებენ.