Предыдущая публикация
Бег да верасня на каву
Жнівень цераз сенажаць.
Умудрыўся ў атаве
Чаравікі пагубляць.
Назбіраўшы поўны кошык
У сасонніку грыбоў
І маліны дзікай трошкі,
Напрасткі далей пайшоў.
Заблудзіўся небарака
Незнарок у гушчары,
Ды не стаў чакаць ён рака,
Покуль свісне на гары.
Скокнуў кемлівы высока,
Тройку хмарак зацугляў -
Хутка, весела, з падскокам
Да суседа даімчаў.
Песціў водар чаявання
Лес упоперак і ўдоўж,
Танчыў госць з замілаваннем
Летку-еньку басанож.
Камары таўклі да ночы
Каля лесу дробны мак.
У лагчыну вецер збочыў,
Вечар зорны плёў гамак...
09.08 - 2019 г.
https://www.youtube.com/watch?v=lj3bahXs8AQ&t=119s
Присоединяйтесь к ОК, чтобы подписаться на группу и комментировать публикации.
Нет комментариев