" Але ж, выбачаюся, не змагла, і толькі ўвечары, дабраўшыся да компа вырашыла падсумаваць вынікі ўчарашняга мерапрыемства - наведвання юбілейнай выставы абаяльнай беларускай пісьменніцы Кацярыны Хадасевіч-Лісавой, якая адкрылася ў Дзяржаўным музеі гісторыі беларускай літаратуры. Я былу ў ліку першых гасцей, што завіталі ў музей (баялася спазніцца, бо не навучылася яшчэ разлічваць час на дарогу ў МІнску), але затое змагла добра разглядзець выставу творчасці юбіляра, прадстаўленую ў такім знакавым месцы сталіцы ў выглядзе планет. На кожнай з іх - літаратурныя здабыткі маладой, але такой запатрабаванай пісьменніцы. Экспазіцыю ўдала дапаўняюць героі кніг Кацярыны Станіславаўны, выкананыя таленавітымі людзьмі ў выглядзе мяккіх цацак! Мне прыемна ад таго, што я ведаю гісторыю кожнага з іх і усе яны гасцявалі на маёй казачнай канапе .Юбілейнае мерапрыемства прайшло на высокім ўзроўні, на ім прысутнічалі знакамітыя беларускія літаратары, творчасць спадарыні Кацярыны адзначана высокай узнагародай - старшыня Мінскага гарадскога аб'яднання Саюза пісьменнікаў Міхась Пазнякоў уручыў юбіляру Медаль Максіма Багдановіча.
Прыемна, што дзеці розных узростаў, запрошаныя на сустрэчу, былі вельмі зацікаўленымі, задавалі пытанні пісьменніцы, з задавальненнем фатаграфаваліся). Атмасфера была лёгкай і сяброўскай, было шмат кветак і пажаданняў Кніжнай Феі. Няхай усе яны спраўдзяцца.
Вельмі раю наведаць з дзецьмі Музей, дзе праходзіць аўтарская выстава Кацярыны Хадасевіч-Лісавой, якая будзе доўжыцца да 30 чэрвеня. Там цёпла, ўтульна і атмасферна)!
Присоединяйтесь к ОК, чтобы посмотреть больше фото, видео и найти новых друзей.
Нет комментариев