З першых момантаў сустрэчы адзначыла для сябе зацікаўленасць і дзяцей, і іх педагога - Каплій Вольгі Анатольеўны, кіраўніка метадычнага аб'яднання кл.кіраўнікоў і выхаваўчай работы. Маё выступленне чацвёракласнікі слухалі вельмі ўважліва, назірала, як загараліся іх вочкі ад знаёмства з кожнай новай кнігай, якія я прадставіла іх увазе. Пад час знаёмства з кнігай "Парад планет", калі я засяродзіла іх увагу на тым, што кніжку напісала 12-гадовая Алівія, дзве дзяўчынкі ў класе з радасцю паведамілі мне, што таксама робяць першыя крокі ў напісанні казачных гісторый. Прыемна, можа хтосьці з іх - будучы літаратар) У нас з дзеткамі адбыўся вельмі прыязны, з разважаннямі дыялог аб кнігах, кніжных героях і іх учынках, якія ствараюць для дзяцей сучасныя беларускія пісьменнікі. Так прымна было назіраць, як свяціліся твары школьнікаў пад час прагляду анімацыйнага мульціка "Лагодны воўк" па аднайменнай казцы Алены Масла, з якім імпэтам яны пазіравалі ва ўпрыгожаннях да казачнай гісторыі "Нявеста для кветкавага караля" Кацярыны Хадасевіч-Лісавой, прымяралі вобраз цмока з казкі Наталлі Бучынскай "Лета з цмокам Цвыркуном ", дзяліліся рэцэптаміпрыгатавання кампоту, пасля праслухоўвання апавядання з кнігі Тамары Бунта "Далонькі з пушынкамі", выказвалі свае разважанні наконт таго, чаму панядзелак лічыцца цяжкім днём пасля знаёмства з кнігай Лёлі Багдановіч "Казка- ў жыцці падказка". Напрыканцы ўсе вучні атрымалі памятныя сувеніры, а лік маіх падпісчыкаў на канале "Казкі на канапе" павялічыўся на тры чалавекі)
Присоединяйтесь к ОК, чтобы посмотреть больше фото, видео и найти новых друзей.
Комментарии 2