Новая серыя кніг - гэта сумесны праект Саюза пісьменнікаў Беларусі і выдавецтва "Аверсэв". На сённяшні дзень серыя налічвае 7 прыгожа і якасна аформленых кніг, аздобленых рэпрадукцыямі карцін Нацыянальнага мастацкага музея. У серыю ўключаны лепшыя творы сучасных беларускіх пісьменнікаў, укладальнікам кніг з'яўляцецца Аляксандр Мікалаевіч Карлюкевіч - старшыня Саюза пісьменнікаў Беларусі. Падчас сустрэчы рада была бачыць беларускіх творцаў, з якімі сустракалася на працягу прафесійнай дзейнасці ў розныя часы, з некаторымі ладзіліся сустрэчы ў Цэнтральнай раённай бібліятэцы імя І.Х.Каладзеева. З некаторымі пісьменікамі бачылася ўпершыню і была прыемна ўражана іх харызмай)))
Пагартала кнігі новай серыі, каб была магчымасць набыла б адразу усе сем))) Зрабіла выбар у карысць жаночай навелы "Размова з люстэркам" і, ведаеце, не памылілася)) Да паўночы чытала шчымлівыя аповяды аб жаночых лёсах, пошуках, клопатах і ахвяраваннях, дзеля сям'і, аб жаночай іх сіле духа... Уразіла навела Ніны Рыбік пад назвай "Клава". Усцешана тым,што атрымала аўтограф ад абаяльнай Валянціны Драбышэўскай, пад час развіртуалізацыі ў музеі)
Рада вельмі за кнігу дзіцячых твораў, якая выйшла пад назвай "Чароўная скарбніца" і ўключае ў сябе творы К.Хадасевіч-Лісавой "Вухуцік і яго таямніца", Л.Рублеўскай "Прыгоды Мышкі Пік-Пік" і Г.Аўласенка "Удивительные приключения маленького Ветерка из вентилятора". Вельмі раю знайсці гэту кнігу для сямейнага чытання ў бібліятэцы, альбо набыць у кнігарні. Урыўкі з кніг пра Вухуціка і мышку Пік-Пік можна паслухаць і паглядзець на канале "Казкі на канапе". Не утрымалася, каб не зрабіць фота))) Прафесійныя фотаздымкі, спадзяюся з'явяцца у сеціве, бо фотакарэспандэнтаў было шмат!
Присоединяйтесь к ОК, чтобы подписаться на группу и комментировать публикации.
Нет комментариев