Անգլիական «Մանչեսթեր Յունայթեդի» արգենտինացի կիսապաշտպան Անխել Դի Մարիան դեմ չէ տեղափոխվել «Բարսելոնա»: Sport.es-ը գրում է, որ Արգենտինայի հավաքականի 27-ամյա ֆուտբոլիստն իմացել է կատալոնական ակումբի՝ իր նկատմամբ հետաքրքրության մասին եւ հայտնել է Իսպանիա վերադառնալու պատրաստակամություն: «Բարսելոնան» դեռ չի բանակցել Դի Մարիայի հետ եւ առաջարկ չի արել «Մանչեսթեր Յունայթեդին», սակայն թիմի գլխավոր մարզիչ Լուիս Էնրիկեն ցանկանում է իր թիմում տեսնել արգենտինացուն: Հիշեցնենք, որ կիսապաշտպանը 2014-ի ամռանը Մադրիդի «Ռեալից» է տեղափոխվել Մանչեսթեր: