Ҡаҡшамаҫ ихтыяр көсө өсөн кәрәк

Һәр хәрби сәнғәт төрө иғтибарға лайыҡ
Заманында, 1988 йылда билдәле боксер Майк Тайсон, рингта Майкл Спинкс менән алышып, ике минут эсендә еңеү яулаған һәм 20 миллион доллар эшләгән. 2015 йылдың 3 майында иһә бокс тарихында иң ҡиммәтле алыш үткәрелгән: рингта ике спорт легендаһы – Флойд Мэйуэзер менән Мэнни Пакьяо осрашҡан. Һөҙөмтәлә Флойд еңеү яулаған һәм 120 миллион долларға лайыҡ булған. Мэнниға 80 миллион доллар тапшырылған.
Спорт донъяһында билдәле боксерҙар бихисап. Башҡорт спортсыларына килгәндә, Хәбир Сөләймәновтың исем-шәрифе күптәргә таныш. Ул – Нью-Йорк ҡалаһының бокс буйынса чемпионы, Бөтә донъя бокс берлегенең алтын билбауы һәм Бөтә донъя бокс берекмәһенең “WBO NABO вакант” титулы хужаһы.
Әйткәндәй, 2020 йылда Өфөләге республика Спорт әҙерлеге үҙәгендә Николай Валуев исемендәге бокс буйынса олимпия резервының спорт мәктәбе асылғайны. Бында Олимпия уйындарында ҡатнашасаҡ спортсылар әҙерләнә. Ҙур бинала өс бокс рингы урынлашҡан. Хәҙер унда республиканың бар спортсылары шөғөлләнеү мөмкинлегенә эйә.
– Тиңһеҙ көрәштә алышабыҙ, әммә был осраҡта ҡаҡшамаҫ рухи көс тә мөһим. Ул иһә сыныҡтыра һәм тормоштоң һәр өлкәһендә ышаныс бирә, – тип белдергәйне Өфөгә бер килгәнендә Николай Валуев, йәш спортсыларға мөрәжәғәт итеп.
Дауамын сайтта уҡығыҙ: https://bashgazet.ru/articles/sport-m-turizm/2026-04-23/a-shama-ihtyyar-k-s-s-n-k-r-k-4662639