Ҫурла уйӑхӗн 9-мӗшӗнче "Енӗшсем" фольклор ушкӑнӗ Малтикас ялӗн уявӗнче пулчӗ.

Аслӑ Аттелӗх вӑрҫин паттӑрӗсене халалласа палӑк уҫрӗҫ кунта. Ҫак паллӑ пулӑм кашнин чӗринчех тарӑн йӗр хӑварчӗ. "Енӗшсем" салтак юррипе, чӑваш кӗвви-ҫеммипе чун-чӗрене хускатрӗҫ.
Уяв концертӗнче Малтикас ялӗн хастар та пултаруллӑ ҫыннисене саламласа ҫуралнӑ кӗтес, тӑванлӑхпа туслӑх ҫинчен юрӑсем шӑратрӗҫ, такмакласа ташларӗҫ.
Ял уявӗ янкӑс юрӑ-кӗвӗпе, капӑр та килӗшӳллӗ ҫи-пуҫпа, илӗртӳллӗ ташӑ-ҫемӗпе, ӑш пиллӗ калаҫупа, савӑк кӑмӑл-туйӑмпа асра юлчӗ.