ვაშლის ძმრის მომზადება

როგორ მოვამზადოთ ვაშლის ძმარი. ვაშლს რეცხავენ, ხეხავენ კანიან–გულიანად. მთლიან მასას ათავსებენ ფართოყელიან მინის ან ფაიფურის ჭურჭელში. უმატებენ თბილ ანადუღარ წყალს [400 გრ. გახეხილ ვაშლზე 0,5 ლ] ყოველ ლიტრ წყალზე ამატებენ 100 გრ. თაფლს ან შაქარს. 10 გრ. პურის საფუარს და 20 გრ. შავ პურს [დუღილის დასაჩქარებლად]. ჭურჭელს თავღიად ათავსებენ 20–30 გრ. ტემპერატურაზე სიბნელეში. მზის სხივი აყოვნებს დუღილს. 10დღის განმავლობაში დღეში 2–3–ჯერ საჭიროებს მორევას ხის კოვზით. ამის შემდეგ მასას გადაწურავენ, მიღებულ სითხესაც გაწურავენ დოლანდში და ჩაასხამენ ჭურჭელში. ამატებენ თაფლს ან შაქარს. 1 ლიტრზე – 50–100 გრამს. დუღილის პროცესის დასრულების მაჩვენებელია სითხის დაწმენდა. ძმრის მოსამზადებლად საჭიროა 40–60 დღე. მიღებული მასა იფილტრება და ინახება ჰერმენტულად თავდახურულ ბნელ ადგილას. http://www.eva.ge/life-style/rcevebi/rcevebi-diasaxlisebs/711-vaslis-zmari-damzadeba-da-samkurnalo-receptebi