Ногай район дин аьрекетшилерининъ йыйыны озды.

Янъыларда районымыздынъ маданият уьйинде Ногай район администрациядынъ басшылавы ман уьйкен йыйын озды. Ол "Эдаплык - баьри ийги аьдем хасиетининъ негизи" деген темага багысланган эди. Маданият, тил эм сондай баска керекли темалар ман бирге бизим халкымыздынъ тийиссиз аьдетлери акында да оьз насихаты ман район имамы Мухаммад Атангулов шыгып соьйледи. Сол йыйынды тамамлап, 26 карагыста Терекли-Мектебтинъ орта мешитинде дин аьрекетшилерининъ йыйыны да озгарылды. Онда оьли мен, дуаслар ман байланыслы келиссиз аьдетлеримиз акында айтылды. Эм бир тил болып мунадай ойга келдилер. Ата-бабаларымыздынъ йолыман барып алдынгы дуаслардай этип, янъылыклар коспай, кара сорпа, эт, бавырсак эм яназыдан баска дуасларында дуьги болсын. Шай ишкенде: шай, бавырсак, пыслак болсын сыпырада. Туьрли каьмпетлер, писирилген затлар, кептирилген емислер эм сондай туьрли зиядетлер салувын коймага. Экиншилей, "туьйиншик", тастамал пайлав деген затларды токтатпага. Йыйын Ногай шоьлге Аллаh Та'ала берекет, наьсип, тил бирлик берсин деген дуа ман таркады. Источник MuslimLife Мы в Istagram - https://www.instagram.com/muslimlife.ngy Мы Вконтакте - https://vk.com/life_muslim Мы в Одноклассниках - https://ok.ru/muslimlife Мы в YouTube - www.youtube.com/channel/UCVwXRTUkfyo-kOW7MAKPSqA