Leninqradda güllələnən azərbaycanlı biznesmen lənkəranlı imiş

Leninqradda güllələnən azərbaycanlı biznesmen lənkəranlı imiş - TƏFƏRRÜAT Rusiyanın Leninqrad vilayətinin Tosnenski rayonunun Yam-İjora qəsəbəsində azərbaycanlı güllələnib. APA TV-nin Rusiya KİV-nə istinadən verdiyi məlumata görə, hadisə fevralın 3-də Rusiya vaxtı ilə gecə saat 23.15 radələrində Leninqradski küçəsi, 10 ünvanında alınıb. 42 yaşlı Elçin Heydərov “Arqo” kafesinin yanında saxladığı "Mercedes-Benz" markalı avtomobilinin salonunda olub. Müəyyən məqamda sözügedən ünvana "Chevrolet Lacetti" markalı avtomobil gəlib və içindəki sərnişinlər dərhal "Mercedes"ə atəş açmağa başlayıblar. Atəşi dayandırdıqdan sonra isə dərhal aradan çıxıblar. Açılan atəş nəticəsində 6 güllə yarası alan Elçin Heydərov hadisə yerindəcə dünyasını dəyişib. İlkin araşdırmalardan sonra mərhumun məhkumluğunun olduğu müəyyənləşdirilib. Belə ki, Elçin digər iki qardaşı - Yalçın və Rafiq Heydərovlarla birlikdə 2011-ci ildə bir sıra cinayət hadisələrini törətməkdə təqsirli bilinərək həbs olunub. Məhkumluq həyatını başa vurmuş Elçin Heydərov son vaxtlar yaşadığı Nikolsk şəhərində şəxsi biznes fəaliyyəti ilə məşğul olub. Qeyd edək ki, mərhum Lənkəranın Cil kəndindəndir. Faktla bağlı Rusiya hüquq-mühafizə orqanları tərəfindən cinayət işi açılıb, qətli törətmiş şəxslərin yaxalanması istiqamətində zəruri istintaq tədbirləri görülür.