Պարոնայք սպաներ-ՀԱՐՈՒԹՅՈՒՆ ԱՄԻՐԽԱՆՅԱՆ

«Զինվորի համար կռվի ժամանակ դրոշակը, ազգը, հայրենի երկիրը և նրա սրբությունները խորհրդանշողը՝ իր առաջնորդն է»,- օրինակելի զորավարի կերպարի մասին խոսելիս այսպես է արտահայտվում Գարեգին Նժդեհը: Սպարապետ, զորավար, առաջնորդ, հրամանատար…Տարբեր ժամանակներում նրանց տարբեր անուններով են կոչել, սակայն միշտ էլ նրանք եղել են այն ընտրյալները, որոնց հետևից աներկբայորեն կյանքի ու մահվան կռվի են մղվել հայոց բանակի զինվորները: Այսօր էլ, երբ սահմանի երկայնքով մեկ մեր հակառակորդը շարունակում է իր չարանենգ պահվածքը, հայոց բանակի զորահրամանատարներն աշխատում են ուժերի գերլարումով, զինվորին զորավիգ դարձած՝ պատվով կատարում իրենց առջև դրված մարտական խնդիրը, զօր ու գիշեր կազմակերպում և իրականացնում են հայրենի երկրի պաշտպանության սրբազան գործը: Այդպիսի հրամանատարներից մեկն էլ ԼՂՀ ՊԲ պաշտպանական շրջաններից մեկի հրամանատար, գնդապետ Հարություն Ամիրխանյանն է: