Երևանում LADA 2112-ի վարորդն բախվել է էլեկտրասյանը, այնուհետև՝ Nissan և ВАЗ մակնիշի ավտոմեքենաներին

Այսօր՝ փետրվարի 20-ին, շղթայական ավտովթար է տեղի ունեցել Երևանում։ Ժամը 09։30-ի սահմաններում Իսակովի պողոտայում՝ «Փորձաքննությունների ազգային բյուրո» ՊՈԱԿ-ի քրեաբանության կիրառական հիմնախնդիրների գիտահետազոտական կենտրոնի դիմաց, LADA 2112 մակնիշի 34 NL 147 համարանիշի ավտոմեքենայի վարորդը դուրս է եկել ճանապարհի երթևեկելի գոտուց, բախվել էլեկտրասյանն ու առաջ ընթանալով՝ հարվածել ճանապարհի թույլատրելի հատվածում կայանված ВАЗ 2107 մակնիշի 34 CL 721 համարանիշի ավտոմեքենային։ Ինչպես դեպքի վայրից հայտնում է ֆոտոլրագրող Գագիկ Շամշյանը, հարվածի արդյունքում էլ «07»-ն առաջ է ընթացել և բախվել ճանապարհի թույլատրելի հատվածում կայանված Nissan մակնիշի 35 AP 850 համարանիշի ավտոմեքենային։ Մանրամասները` http://shamshyan.com/hy/article/2017/02/20/1059333/