Գառնիի գյուղապետի տղայի նկատմամբ մահափորձ կատարածին ոստիկանները հայտնաբերեցին Երևանում

Այսօր՝ նոյեմբերի 19-ին, ոստիկանության Կոտայքի մարզային վարչության, ոստիկանության Կոտայքի բաժնի, ոստիկանության Գառնիի բաժանմունքի աշխատակիցները, իրացնելով ստացված օպերատիվ տվյալները, գիշերը ժամը 00:20-ի սահմաններում ոստիկանության Կոտայքի բաժին են բերման ենթարկել Գառնի գյուղի Չարենցի փողոցի 24/1 տան բնակիչ, 23-ամյա Ռուբեն Անդրանիկի Հակոբյանին: Ինչպես հայտնում է ֆոտոլրագրող Գագիկ Շամշյանը, վերջինս կասկածվում է այս տարվա հուլիսի 9-ի լույս 10-ի գիշերը Գառնիի գյուղապետ Աշոտ Վարդանյանի տղայի նկատմամբ կրակոցների միջոցով մահափորձ կատարելու մեջ: Նա իր մոտ եղած հրազենով կրակոցներ էր արձակել գյուղապետի որդու Hyundai Sonata մակնիշի ավտոմեքենայի ուղղությամբ: Մանրամասները` http://shamshyan.com/hy/article/2015/11/19/70797/