Гæнæн ис æмæ зымæгон рæстæджы кусæн къуыри сахат фæкъаддæр уыдзæн

Уæрæсейы Паддзахадон Думæмæ бахастой зымæджы кусæн къуыримæ ивддзинæдтæ бафтауыны тыххæй хъæппæрис. Ахæм хъуыды разынд депутат Виталий Милоновмæ. Ныхас цæуы зымæгон рæстæджы кусæн къуыри иу сахат фæкъаддæр кæныны тыххæй. “Уæд адæмы куысты пайда дæр фæфылдæр уыдзæн, – бафиппайдта Виталий Милонов. Æмбарын æй кæнынц уымæй, ома, зымæджы бон къаддæр вæййы. Талынджы та адæм арæхдæр сæхимæ хъусыныл фæвæййынц æмæ сæ куысты уыйас ахадындзинад нæ вæййы. Депутат ма фæбæрæг кодта, кусæн къуыри фæкъаддæр кæныны хъæппæрисмæ æнæмæнг профессионалон æхсæнад кæй хъуамæ æркæса. Сæ хъуыдытæ ацы хъуыддаджы фæдыл хъуамæ зæгъой специалисттæ дæр.