Արտահերթ թողարկում. մանրամասներ Գյումրիի ողբերգական միջադեպից

«Լրատվական կենտրոնի» արտակարգ թողարկմանը հետևեք 16.00-ին: 1. Ավետիսյանների ընտանիքի վեց անդամների սպանության մեջ կասկածվող ռուս զինծառայող Վալերի Պերմյակովն ընդունել է մեղքը: Նա գտնվում է ռուսական ռազմաբազայի տարածքում: 2. Ավետիսյանների ընտանիքի միակ ողջ մնացած անդամը՝ վեցամսական փոքրիկը տեղափոխվել է Երևան ծայրահեղ ծանր վիճակում: Բժիշկները պայքարում են նրա կյանքի համար: 3. Հայկական, թե՞ ռուսական կողմը պետք է վարի քննությունը․ հարցը դեռ քննարկվում է, կլսենք փորձագետի կարծիքը: 4. Ռուսաստանի դեսպանատան մոտ մի խումբ քաղաքացիներ բողոքի ցույց են անցկացրել՝ պահանջելով պատասխանատվության ենթարկել ռուսական հրամանատարական կազմին: 5. Իշխող հանրապետական խմբակցության ղեկավարը՝ Գյումրիի ողբերգության պատճառով ռուսական ռազմաբազայի տեղակայման հարցը քննարկել նպատակահարմար չի համարում: Հաղորդումը վարում է Տաթևիկ Լազարյանը: