Բացառիկ վիրահատություն (1)

2-ամյա Հենրիկը Երեխաների պաշտպանության օրն անցկացնում է հիվանդասենյակում: Նույնիսկ փուչիկներն ու խաղալիքները չեն մեղմում ձեռքի ցավը: 7,5 ժամ տևած վիրահատության ընթացքում վերականգնել են երեխայի անդամահատված ձեռքը: Բժիշկներին հաջողվել է բառացիորեն հավաքել մսաղացում ճզմված և մասնատված դաստակն ու մատները: Արյան շրջանառությունը կարգավորելու համար ոտքից երակ են վերցրել, տրանսպլանտացիա արել ձեռքին: Առավոտյան երեխայի երակները խցանվել են: Բժիշկնեը ստիպված են եղել երկրորդ վիրահատությունն անել: Հենրիկն ձեռքը մտցրել էր էլէկտրական մսաղացի մեջ: Փրկարարները նրան տեղափոխել են 1-ին կլինիկական հիվանդանոց և բժիշկների օգնությամբ դուրս բերել դաստակը: Միկրովիրաբույժ Արտավազդ Սահակյանը կատարել է բացառիկ վիրահատություն: Մանագետն ասում է, որ ավելի հեշտ է թև կամ ոտք վերականգնելը, քան երեխայի վիրահատելը: Նրանց մոտ զարկերակի տրամագիծը 1/10 ական միլիմետր է: Փոքրիկն արդեն 11-րդ օրն է անցկացնում հիվանդանացում: Տղան դեռ մի քանի շաբաթ կմնա բժիշկների հսկողության տակ: Նրա վիճակը բավարար է, ձեռքը կենսունակ, թեպետ վերջնական գնահատական տալ բժիշկը չի շտապում: