Моҳи май Узбекистон ният дорад, Тоҷикистонро ба системаи ягонаи энержии Осиёи Марказӣ пайваст намояд

Дар ин бора вазири энергетикаи Узбекистон Ҷӯрабек Мирзомаҳмудов дар анҷумани энергетикӣ дар Тошканд изҳор дошт, хабар медиҳад Sputnik Ўзбекистон.
Тибқи иттилои Вазорати энергетика, системаи ягонаи энергетикии Осиёи Миёна дар ибтидои солхои 60-ум дар ҳудуди чор давлат — Узбекистон, Тоҷикистон, Туркманистон, Қирғизистон ва панҷ вилояти хамсояи Қазоқистони Ҷанубӣ ташаккул ёфт.

Гӯштингирони Тоҷикистон дар ноҳияи Ховалинги Хатлон ҷамъ меоянд.

Рӯзи 26 май дар ноҳияи Ховалинги вилояти Хатлон Мусобиқаи ҷумҳуриявии гӯштини миллӣ баргузор мегардад.
Дар ин бора Кумитаи кор бо ҷавонон ва варзиши Тоҷикистон хабар додааст.
Ба иттилои манбаъ мусобиқа бо ташаббуси Мақомоти ноҳияи Ховалинги вилояти Хатлон ва соҳибкорони ватанӣ баргузор гардида, ба ғолибон дар ҳамоиши тантанавӣ туҳфаҳои қиматнок ва маблағҳои пулӣ тақдим карда мешаванд.

Тоҷикистон наттоқи машҳур ва ҳунарпешаи шоистаро аз даст дод.

Лолахон Сатторӣ дар соли 68 - уми умраш аз олам даргузашт.
Ӯ зодаи ноҳияи Фархор буда, солҳо наттоқи радио буд.
Замоне раиси иттиҳодияи "Тоҷиккино", директори "Тоҷикфилм" ва раиси иттифоқи касабаи Кумитаи радио ва телевизион низ буд.
Дар бораи даргузашти Сатторӣ пайвандону ҳамкоронаш бо таассуфи бузург дар шабакаҳои иҷтимоӣ хабар доданд, вале сабаби маргашро зикр накарданд.

Соли равон дар шаҳри Гулистони вилояти Суғд 6 корхонаи нави саноатӣ сохтаву ба истифода дода мешавад

Ба иттилои мақомоти вилояти Суғд дар раванди бунёду ба кор даровардани коргоҳу корхонаҳои истеҳсолӣ саҳми соҳибкорону сармоягузорон бештар аст.
Тибқи иттилои расмӣ дар се моҳи аввали соли равон корҳонаҳои саноатии шаҳри Гулистон ба маблағи 767 млн. 288,2 ҳазор сомонӣ маҳсулот истеҳсол намудаанд.

Раҳмон писари Маҳмадсаид Убайдуллоевро аз вазифа барканор кард.

Бо амри роҳбари давлат, Убайдулло Амирҷон Маҳмадсаид аз вазифаи мушовири калони бахши Ёрдамчии президент оид ба масъалаҳои иқтисодӣ озод карда шуд.
Сабаби барканор шудани Амирҷон гузаштан ба кори дигар арзёбӣ гардид.
Маврид ба зикр аст, ки номбурда дар ин вазифа 5 соли охир хидмат кард.

Қурби рубл боло рафту доллар поин

Дар бозори арзи Тоҷикистон қурби рубли русӣ ва евро андаке боло рафтанд. дар ҳамин ҳол қурби доллар тамоюли поинравӣ нишон додааст. тафсилоти бештар дар тасвирбаёни @Sputnik_Tajikistan.

Варзишгари тоҷик соҳиби медали тиллои Чемпионати кушоди Осиёи Марказӣ шуд

Варзишгари тоҷик Фаворис Музрапов дар Чемпионати кушоди Осиёи Марказӣ оид ба варзиши сабук сазовори медали тилло гардид.
Дар ин бора Кумитаи кор бо ҷавонон ва варзиши Тоҷикистон хабар дод.
“Чемпионати кушоди Осиёи Марказӣ оид ба варзиши сабук 11-12 май дар шаҳри Тошканди Узбекистон баргузор шуд, Фаворис Музрапов дар давидан ба масофаи 100 метр байни мардҳо соҳиби медали тилло ва дар масофаи 200 метр сазовори медали нуқра гардид”, - иттилоъ додааст манбаъ.

Тоҷикистон ва Узбакистонро ду хатсайри нав мепайвандад.

Акнун ба шаҳрҳои Бухорро ва Самарқанд метавон бо автобус аз шаҳри Душанбе сафар кард, иттилоъ додааст вазорати нақлиёти Ӯзбекистон.
Дар ҳоли ҳозир байни Хуҷанду Тошканд танҳо як хатсайр вуҷуд дорад.

Дар Тоҷикистон корҳои бартараф намудани оқибатҳои офатҳои табиӣ идома дорад.

Дар давоми 24 соати охир корҳои мустаҳкамкунии соҳилҳои дарё ва тоза кардани роҳҳо аз ярч ва сангҳо, бахусус дар Хатлон, Ноҳияҳои тобеи ҷумҳурӣ, Ваҳдат ва Варзоб сурат гирифт, хабар медиҳад КҲФ Тоҷикистон.

Каме дигар монд: нақшаи даъвати баҳорӣ дар Хатлон 97% иҷро шуд

Ба иттилои мақомоти вилояти Хатлон ҷараёни даъвати навбатии шаҳрвандон ба хизмати ҳатмии ҳарбӣ иҷрои нақша дар қаламрави вилоят 97 фоиз иҷро шудааст.
Дар рӯзи аввал нақшаи даъвати баҳорӣ дар ноҳияҳои Вахш, Фархор, Муъминобод, Хуросон 100 фоиз иҷро шуд. Сипас, шаҳру ноҳияи Носири Хусрав, Норак, Левакант, Дӯстӣ, Қубодиён, Панҷ, Бохтар, Кӯшониён, Шаҳритус, Ҷайҳун, Балҷувон, Ҷалолиддини Балхӣ, Ёвон ва Данғара низ нақшаи даъвати баҳориро 100 фоиз иҷро намуданд.
То имрӯз 18 шаҳру ноҳия нақшаи даъвати баҳориро иҷро намуданд.

Ҳалокати се нафар дар як садами мудҳиш дар шоҳроҳи Душанбе-Хуҷанд-Конибодом.

Ҳалокати се нафар дар як садами мудҳиш дар шоҳроҳи Душанбе-Хуҷанд-Конибодом.
Сабаби садама ронандаи мошини “Тойота Авенсус” будааст, ки аз уҳдаи идораи автомобили худ набаромада, бо суръати баланд бо худрави “Лексус” бархӯрдааст, хабар медиҳад КҲФ Тоҷикистон.
Ӯ ва ду мусофири дигар дар ҷои ҳодиса ба ҳалокат расиданд. Наҷотдиҳандагон ҷасадҳоро аз мошинҳо берун оварда, ба мақомоти ҳифзи ҳуқуқ супурданд.

Муҳоҷирон бояд забони русиро донанд ва ба анъанаҳои Русия эҳтиром гузоранд.

Муҳоҷирон бояд забони русиро донанд ва ба анъанаҳои Русия эҳтиром гузоранд.
Ба гуфтаи Вячеслав Володин, кишварҳои дӯст бояд барои таҳсил шароит фароҳам биёранд.
"Муҳим аст дар он аст, ки нафароне, ки ба кишвари мо меоянд бояд забони русиро донанд ва ба анъанаҳои мо эҳтиром гузоранд. Фарҳанги мо ягона аст ва ман фикр мекунам, ки ҳеҷ кас онро фаромӯш накардааст", таъкид кард раиси Думаи давлатии Русия.

Оверчук: Русия бояд бо Озарбойҷон ва Осиёи Марказӣ ҳамкорӣ кунад, то ба бозорҳои ҷануб роҳ ёбад.

Номзад ба курсии муовини нахуствазир Алексей Оверчук ахиран гуфт, Русия бояд бо шарикони Озарбойҷон ва кишварҳои Осиёи Марказӣ барои ворид шудан ба бозорҳои босуръат рушдёбандаи Ҷануби ҷаҳонӣ ҳамкорӣ кунад.
«Агар мо хоҳем, ки ба бозорҳои ҷануб, ки босуръат рушд меёбанд роҳ ёбем, пас мо бояд бо Қазоқистон, Туркманистон, Ӯзбекистон, Қирғизистон ва Озарбойҷон ҳамкории зич дошта бошем», — гуфт Оверчук дар Думаи давлатӣ.

Афзоиши талафоти сел дар Афғонистон

Талафоти ҷонӣ аз сел дар вилоёти Афғонистон афзоиш ёфта ва дар селҳои ду рӯзи гузашта дар вилояти Бағлони ин кишвар теъдоди зиёде ҷон бохтаанд.
Тибқи омори ҳукумати сарпарасти Афғонистон, талафоти сел дар ин кишвар афзоиш ёфта ва то кунун 315 нафар дар селҳои ду рӯзи гузашта дар вилояти Бағлони Афғонистон ҷон бохтаанд.

Довари эронӣ қозии дидори тимҳои футболи Тоҷикистон ва Покистон

Мавъӯди Бунёдифар аз кишвари Эрон дидори тимҳои футболи Тоҷикистон ва Покистонро доварӣ мекунад.
Бо эъломи ФИФА, Мавъӯди Бунёдифар ба ҳамроҳи Саъиди Қосимӣ ва Алиризо Илдрум қазовати дидори Тоҷикистон ва Покистон дар муқаддамотии Ҷоми ҷаҳонии 2026-ро баръуҳда хоҳанд дошт.

ИИАО музокиротро бо Муғулистон дар бораи созишномаи тиҷоратӣ шурӯъ кард.

Ин барои кишварҳои иттиҳод чӣ маъно дорад?
Русия, Қазоқистон, Беларус ва дигар кишварҳои ИИАО ба бозори нав барои содироти маҳсулоти кишвоарзӣ аз ҷумла ғалладона дастрасӣ пайдо мекунанд.
Муғулистон имкони содироти маҳсулоти чорводорӣ ва кишоварзии худрони низ ба кишварҳои ИИАО пайдо мекунад.

Бештар аз ҳама ҳунарманд дар Хатлону Суғд будааст.

Тибқи маълумоти расмии омории соли 2023 дар ҷумҳурӣ зиёда аз 8041 ҳунарманд фаъолият менамоянд, ки нисбат ба соли 2022 1814 нафар зиёд мебошад.
Ҳунармандон аз рӯйи 12 касби соҳаи истеҳсоли маҳсулоти ҳунармандӣ ва аз рӯйи 167 касбу ҳунар ба косибию хунармандӣ машғул буда, аз ин шумора 3216 нафари онҳо хамчун косиб ба ҳунари истеҳсоли дастӣ дар хона машғул мебошанд.
Теъдоди ҳунармандон аз шаҳру ноҳияҳои вилоятҳо:
Дар ВМКБ 556 нафар,
Вилояти Хатлон 3330 нафар,
Вилояти Суғд 2647 нафар,
Шаҳру ноҳияҳои тобеи марказ 1339 нафар
Шаҳри Душанбе 115 нафар.

Дар Душанбе Фестивали ҳунармандони Тоҷикистон баргузор гардид

Дар МД “Маркази оши палав”- и шаҳри Душанбе даври сеюми Фестивали ҳунармандони Тоҷикистон “Ҳунар беҳ аз зар бувад” баргузор гардид.
Ба иттилои мақомот, мақсад аз баргузории фестивал рушди ҳунармандӣ, ҳифз ва нигаҳдории мероси ғайримоддии фарҳангӣ, тарбияи ҳисси зебоипарастӣ, хештаншиносӣ, ҳунармандӣ ва ватандӯстӣ, эҳёи анъанаҳои аҷдодии ҳунарҳои мардумӣ ва оммавӣ гардонидани суннатҳои беҳтарини ҳунарҳои мардумӣ, тарғиби таҷрибаи пешқадами ҳунармандони варзида, муаррифии намудҳои гуногуни маҳсулоти ҳунармандӣ ва дастгирию ҳавасмандгардонии ҳунармандон мебошад.