Sputnik Тоҷикистон

Роҳбандӣ дар Душанбе: Шаҳрдорӣ гуфт 22 август дар кадом кӯчаҳо ҳаракати нақлиёт манъ мешавад.

Шаҳрдории Душанбе хбар додааст, ки бинобар сабаби гузаронидани шабакаҳои муҳандисӣ, аз кӯчаи С. Айнӣ, гардиши кӯчаи А. Лоҳутӣ, шафати мучассамаи С. Айнӣ то маркази савдои “Гелос” ҳаракати ҳамагуна воситаҳои нақлиёт аз соати 08:00-и 22-юми августи соли 2025 қатъ карда мешавад.
Шаҳрдорӣ аз ронандагон, шаҳрвандон ва меҳмонон хоҳиш кардаааст, ки талаботи аломатҳои роҳ ва дигар нишонаҳои гузошташударо риоя намуда, аз роҳҳои ҳамшафати он истифода намоянд.

Тағйироти кадрӣ дар Телевизиони Тоҷикистон

Бо фармони Раиси Кумитаи телевизион ва радиои Тоҷикистон дар Телевизиони Точикистон тағйироти кадрӣ сурат гирифт.
Зебунисо Ширинбекова ба вазифаи муовини директори Телевизиони Тоҷикистон таъин гардид.
Наврӯз Сафаров ба ҳайси сармуҳаррири барномаҳои иттилоотии «Ахбор» оғоз ба кор кард.
Ин дигаргуниҳо бо ҳадафи таҳкими фаъолияти эҷодӣ ва ҷорӣ намудани усулҳои муосири таҳияи барномаҳо анҷом ёфтаанд.

Тоҷикистон ба кишварҳои хориҷи наздик дар ҳафт моҳ ба маблағи 259 млн доллар мол фурӯхтааст.

Қисмати бештари содирот ба Ӯзбекистон ва кишварҳои узви ИИАО - Русия ва Қазоқистон рост меояд, бармеояд аз омори мақомоти гумруки тоҷик.

Беш аз 150 нафар курсантҳои ВКД-и кишвар давраи бозомӯзиро дар маркази таълимии ин вазорат гузаштанд

Беш аз 150 нафар курсантҳои Вазорати корҳои дохилии Тоҷикистон давраи бозомӯзиро дар маркази таълимии ин вазорат гузаштанд.
Дарсҳо қисмҳои назариявӣ ва амалӣ, аз ҷумла омӯзиши забони русӣ, курсҳои махсус ва машқҳои ҷисмониро дар бар мегирифтанд.
Дар пайи натиҷагирӣ аз ин тамрин онҳо таҳсили худро дар донишгоҳҳои Вазорати умури дохилии Русия ва Узбакистон идома медиҳанд.

Мунтахаби Тоҷикистон (U-23) имрӯз дар Душанбе омодагиҳоро ба марҳилаи интихобии Ҷоми Осиё оғоз кард

Сармураббии тими олимпии кишвар Леван Хомерики ба ҷамъомади ниҳоии пеш аз марҳилаи интихобӣ 30 бозигар – 3 дарвозабон, 10 ҳимоятгар, 12 нимҳимоятгар ва 5 ҳамлагар даъват кардааст.
Рақибони Тоҷикистон дар ин мусобиқа Непал, Филиппин ва Сурия мебошанд, ки ҳамаи вохӯриҳо дар Душанбе даҳаи аввали моҳи сентябр доир мешавад.
Ғолибони 11 гурӯҳи интихобӣ ва инчунин чаҳор дастаи беҳтарини ҷойҳои дуюм ба қисми ниҳоии Ҷоми Осиё-2026, ки аз 7 то 25 январ дар Арабистони Саудӣ баргузор мешавад, роҳ меёбанд.

Қатар барои муҳоҷирон дар Тоҷикистон марказҳои касбомӯзӣ ва омӯзиши забонҳои арабию англисӣ месозад

Вазири меҳнат, муҳоҷират ва шуғли аҳолии Тоҷикистон Солеҳа Холмаҳмадзода бо ёвари директори котиботи вазири маориф ва таҳсилоти олии Давлати Қатар Ҳариб Муҳаммад ал – Ҷобирӣ бунёди марказҳои омӯзиши забонҳои арабӣ ва англисӣ барои шаҳрвандонро баррасӣ кард.
Давлати Қатар оид ба таъсиси марказҳои касбомӯзӣ ва омӯзиши забонҳои арабию англисӣ дар якчанд минтақаҳои Тоҷикистон, ки барои татбиқи Созишномаи байниҳукуматии Тоҷикистону Қатар оид ба танзими муҳоҷират мусоидат менамояд, аз ҷониби Ҳукумати Тоҷикистон дастгирӣ ёфт.
Қайд карда шудааст, ки барои муайян ва ҷудо намудани қитъаи замин дар

Хароҷоти ҳафтмоҳаи Тоҷикистон барои хариди ғалладонагиҳо аз хориҷа қариб 190 млн долларро ташкил дод

Аз аввали сол то оғози август ба ҷумҳурӣ беш аз 803 ҳазор тон ғалладонагиҳо ворид шудаанд, бармеояд аз омори гумруки Тоҷикистон.

Мишустин: Рушди ИИАО бо амиқсозии ҳамгироии иқтисодӣ асос хоҳад ёфт

Сарвазири Русия Михаил Мишустин гуфт, ки рушди минбаъдаи Иттиҳодияи иқтисодии АвруОсиё (ИИАО) бо амиқсозии ҳамгироии иқтисодӣ, фароҳам овардани шароити баробар барои тиҷорат ва тавсеаи лоиҳаҳои муштарак асос меёбад.
Ба гуфтаи вай, муттаҳид намудани талошҳои кишварҳои узви ИИАО на танҳо мавқеи Иттиҳодро дар иқтисоди ҷаҳонӣ таҳким мебахшад, балки сифати зиндагии миллионҳо нафарро дар фазои Авруосиё беҳтар мекунад.