Алғыстас Асхыстағы аймах культура туразында иртче.
Пӱӱл пу ӱлӱкӱнге 150 азыра олғанның пічии кірген, че оларның 121-іне ле ахчалығ сыйыхтар пирілчелер. Анзы олар республика паза Россия синіндегі аймах-пасха марығларда, олимпиадарларда пӧзік чидіглерге читкеннеңер. 2024 чылның талааннығ олғаннарының ӱлӱкӱнінде 12 номинация кӧріл парған. Ӏди 121 паланың кӧбізі, 32-зі, филологияда пӧзік чидіглерге читкеннер. Аның ӱчӱн оларға Николай Катановтың адынаң ахчалығ сыйых пирілче.
Паза пӱӱл Асхыс аймаандағы 21 олған спорт киреенде пӧзік чидіглерге читкеннер. Аның ӱчӱн оларға Иван Ярыгиннің адынаң ахчалығ сыйых пирілче.
Пӱӱн ізеніс пирчеткен ӱгренҷілердең пасха, оларның ӱгретчілерін алғыстирлар. Тиксі 6 ӱгретчі ахчалығ сыйыхха турысхан тіп, чоохтапча Асхыс аймаандағы ӱгредіг пӧлиинің тоғынҷызы Ольга Романовна Карамчакова.
Присоединяйтесь к ОК, чтобы подписаться на группу и комментировать публикации.
Нет комментариев