Хаҷан-да кізілер чуртаан чирлер усхун парарлар. Анзынанар позының Тун пайрамда тутхан чооғында, Асхыс аймааның пазы Абрек Васильевич Челтыгмашев таныхтаан. Анзынаң Пии аймааның Алахтайлар аалының чуртағҷызы, тынағдағы Валентина Ивановна Тутатчикова чарасча.
Алында Тун пайрам Паза чирінде иртірілҷең. Анаң пу ӱлӱкӱн Сағай чазызынзар кӧзірілген. Алында, тізең, ол орында Хызыл сағай аал полтыр. Ана пу аалда Валентина Ивановна Тутатчикова тӧрептір.
Амды Асхыс аал улуғдан улуг полча. Пу аалның чуртағҷылары Асхыс аалның индіркі саринзар туралар кӧп пӱдірер полыбысханнар. 1ди туралар пола-пола Хызыл сағай аал полған орынға даа чит парарлар. Андада ол чир усхун парар ,неке. Чуртас анда хайнап сығар тіп, сағыстарынаң ӱлесче Валентина Ивановна. Аның сӧбірезі Хызыл сағай аалдаң ,агаа 5 час полғанда, пастап Чичинин аалзар , соонаң Хойбал аалзар кос парыбыстыр. Чичинин аал ідӧк чох пол парган. Ол Хызыл сағай аал хыринда орныхтыр.
Полған Хызыл сағай аал орынның хыринда таг ээллерінің чоллары пар. Ана анда сағам кресен- фермер аттар тут парча. 1ди анда аттар орта паза истіг чирде чахсы ӧс парчалар тіп, санапча Валентина Ивановна. Пу тағ ээллерінің чолы суғ кизіре Хойбал аалҷа парча. Хап орта ана ол чолда 2000 чылларда Хойбалда наа школа пӱдірерге пастап салғаннар.Че читіре пӱдір полбааннар. Ол школаны пӱдір сыххандох,аалдағы пір ууҷа, пу ниме читіре пӱдіріл полбас тіп, ухчаанҷылаптыр. Анзы ідӧк пол парған.Ол школаны пӱдіреріне пір-де ахча читпин, соонаң ол ортазынҷа чіктел парыбызып, аны пӱдірері тастал парған.
Ол ууҷа чоохтаан чоох орта пол парған тіп, таныхтапча Валентина Ивановна. #ХакасРадио
Присоединяйтесь к ОК, чтобы подписаться на группу и комментировать публикации.
Комментарии 2