Sokinlikni buzib behosdan, Nega yig'layapsan YOMG'IR? Yoki bilding ko'nglim dardini, Bag'ring tig'layapsan YOMG'IR. Qalbim kabi telbasan YOMG'IR, Qalbim kabi bezovta, bedor. Devonaman bu zamin ichra, YOMG'IR men o'zimdan bezor. Kel, yelkamga boshginangni qo'y, To'yib-to'yib yig'laylik birga. Faqat mendan so'rama hech ham, Joy qolmagan bardosh sabrga. YOMG'IR seni sog'ingan edim, Sen sirdoshim, dardkashim mening. Allohimdan bir o'tinchim bor, Tomchilaring bo'lolsam sening. Bulutlarga yetsa bu ruhim, Yuvolsam dunyoning g'amlarin. Qanot yozib bu zamin uzra, Topsaydim baxtiyor damlarim