ვერ ხედავ უყვარხარ,
სამყაროს გაგითბობს,
გულს შიგნით თუ ყავხარ,
სიცოცხლეს დაგითმობს.
ვერ ხედავ თვალებში
ვარსკვლავად კიაფობს,
გრძნობების მდინარეს
უდრეკად მიაპობს.
ვერ ხედავ, საშენოდ
უნთია ცისკარი,
მთელს გულს რომ გაჩუქებს,
სწორედ რომ ის არი.
ჰაერთან ნებივრობს
საკინძე შეხსნია,
შენი სიყვარულით
ჩანს ფრთებიც შეხსმია.
გარედან უბრალოდ,
შიგნით მზე აცვია,
ვერ ხედავ უყვარხარ,
და ღმერთად გაქვია.