*Коштошуу*
Пайда болуп, капыс келип жашоомо,
Кап этпечи, таарынбачы "Кош!" дедиң.
Таза деген, кайталангыс сүйүүмдү,
Майкан кылып, талкалады бул кебиң.
Күтүүсүздөн өрт жандырып өмүргө,
Өтүнөмүн, өзүң кайра өч дедиң!
Өмүрүмдүн өзөгүн бүт куйкалап,
Өмүр бою өчпөстүр оо, бул кебиң.
Жашап жаткан жарыктыкта бүгүнкү,
Ордуң бийик, берекем ай, эх сенин!
Сезимиңдин тереңине чөктүрүп,
Кечирилгис, жалгыз таштап кеткениң.
Колуң шилтеп, мейли кетчи, унутчу,
А мен сени унуталбайм, эстеймин.
Көмүскөдө калсын мейли катылуу,
Өзгө кечке салыштыргыс кечтерим.
Мейли өчүр, өзүң сүйүү жалынын,
А мен сени унутпаймын, эстеймин!
Мамит уулу Асан