Худовандо, Худованди мададгор, Ғарибонро зи ҳар сахтӣ нигаҳ дор. Ғарибон бепаноҳанд, эй бародар, Ғарибонро маранҷону маёзор. Ғарибон бас нигоҳи сард доранд, Дили пурхуну ранги зард доранд. Ғарибонро навозиш кун,бародар, Ки дар дил ғуссаҳову дард доранд. Касе дорад агар инсофу имон, Бигирад бояд ӯ дасти ғарибон. Ки ў дур аз ватан хору фигор аст, Бидон инро ту, эй фарзанди инсон. Бувад бегона ў дар мулки дигар, Кунад ёди ватан, ҳам ёди модар. Ба роҳи он ғарибони пурармон, Нишаста Модарон бо дидаи тар..