Kəlbəcərdədi...
Dostum soruşursan mən haralıyam
Daimi ünvanım Kəlbəcərdədi.
Şairlər vətənim dağlar oğluyam
Hörmətim ad sanım Kəlbəcərdədi...
*
İstisi mülayim havası sərin,
Yayda xarlı qarı var zirvələrin,
El-obam qonaqpərvər,dərdə dərin
And yerim,amanım Kəlbəcərdədi...
*
İsti-suyu səs salıbdır cahana,
Təbii suyu məlhəmdi insana,
Meşəsində meyvəsi gəlməz sana,
Bağ-bağçam hər yanım Kəlbəcərdədi...
*
Fəsilləri gözəl gəz təbiətin,
Tükənməz qazdıqca hər bir sərvətin,
Qonaq ol..,görərsən elin hörmətin!.
Pirim qibləgahım Kəlbəcərdədi...
*
Sıldırım qayalı keçilməz bərə,
Dağbəyi şöhrətdi hər dağ,hər dərə
Dağlarda yerləşir O xoş mənzərə
Yurdum Xanimanım Kəlbəcərdədi...
*