Мы используем cookie-файлы, чтобы улучшить сервисы для вас. Если ваш возраст менее 13 лет, настроить cookie-файлы должен ваш законный представитель. Больше информации

Левая колонка

Нур Базарбаева

Последний визит: 19 ноя 2016

Фильтр

Заметки Увлечения

Нур Базарбаева

6 мая 2016

Неге мынча...

Карек токтоп карай албай ала качам,
Каным муздап жүрөк тоңгон алда качан.
Эки сөздө бал тамбастан тил ууланып,
Ээк сынып кетүүчүдөй араң айтам.

Экөөбүздүн тилибиз бир дилдер башка,
Экөөбүздүн үйүбүз бир сүйүү башка. Жанымда сен жүрөгүм башка менен.
Кыйнайбыз өзүбүздү неге мынча.

Батынып жакшы сөздү арнай албай,
Каректен сагынычтуу карай албай,
Өзүңдөн баарын таптым сүйүү аздай, Өзүңдүк болсом дагы боло албай.

Экөөбүздүн тилибиз бир дилдер башка,
Экөөбүздүн үйүбүз бир сүйүү башка. Жаныңда мен жүрөгүң башка менен,
Кыйнайбыз өзүбүздү неге мынча.

Батынып жакшы сөзүң арнабадын,
Каректен сагынычтуу карабадың.
Өзгөдөн өйдө сени койсом дагы,
Өзүмдүк мен сени кыла албадым.

Нур Базарбаева

5 мая 2016

Жалбырак күзүндөгү
Күн батса ай асманга чыгат дебе?
Кечиккен сүйүү бизге керек неге?
Ачылган гүлдөр дагы соолуйт бир күн,
Ашыкча көңүл мага бура бербе?

Жалбырак күзүндөгү, күзүндөгү,
Саргайып шамалга ал үзүлгөнү.
Кечиккен махабатка окшош экен,
Күттүүсүз бутагынан күбүлгөнү...

Сезимим байкатпаймын көздөр менен,
Сүйүүмдү айта албайм сөздөр менен.
Кечиккен махабатты күнөөлөймүн,
Анткени сендик жүрөк башка менен.

Нур Базарбаева

5 мая 2016

Арзуу
Сүйүү болуп жетпес арманым,
Сен менчелик сүйө албадың.
Райымаалы болуп өрттөндүм,
Бегимайдай күйө албадың.

Сезип турдум сенда ыйладың,
Токтон албай менда ыйладым.
Тосколу көп биздин сүйүүбүз,
Айтчы жаным кандай кылайын?

Баё жүздү эрке жамалым,
Байкадыңбы сезим жанганын.
Багыты жок биздин сүйүбуз,
Баалар белең баарын арнайын.

Сезип турдум сенда ыйладың,
Токтон албай менда ыйладым.
Тосколу көп аруу сүйүүбүз,
Айтчы жаным кандай кылайын?

Тосуп алчы жайып кучагың,
Канаты жок сага учайын,
Кабыргамдан сени жаратып,
Кош канатым кылып алайын.