Мы используем cookie-файлы, чтобы улучшить сервисы для вас. Если ваш возраст менее 13 лет, настроить cookie-файлы должен ваш законный представитель. Больше информации

Левая колонка

Ruslan Saburov

Последний визит: 25 дек 2020

Фильтр

Заметки Увлечения

Ruslan Saburov

25 сен 2019

Руслан Сабуров:
Ўзимни оқлайман қоғоз қоралаб,
Айбимни шеър ёзиб ювадигандай.
Ўнта савобимни санаб-саралаб,
Мингта гуноҳимни қувадигандай.

Ўзимни оқлайман қоғоз қоралаб,
Сиёҳга сингади қайғулар бир-бир.
Ярадор кўнгилни қайта яралаб,
Сени ўйламоқлик қанчалар ҳузур.

Ўзимни оқлайман қоғоз қоралаб,
Тиғдайин кесади қалам қўлимни.
Хаёл сўқмоғидан кетгум оралаб,
Йўқотиб қўйгандай ҳаёт йўлимни.

Ўзимни оқлайман қоғоз қоралаб,
Сочилиб кетади – сўзларим ғариб...
Эски суратингга теккизаман лаб,
Ўнта савобимни йўққа чиқариб.

Ўтиб кетаверар баҳору ёзлар,
Минглар туғилади, юзлар ўлади:
Йиллар суронида қора қоғозлар,
Оппоқ севгимизга ҳайкал бўлади.

Ruslan Saburov

1 фев 2019

Мен тонгда кетаман, чарми тош қотган
Эски портфелимни элкамга илиб:
Бетон йўлакларга ўраниб ётган -
Ялонғоч шаҳарни томоша қилиб.

Мен тонгда кетаман, мусофирлардек
Бир кеча тунадим - йилга тенг кеча!
Нега кўзларингда пинҳоний ҳадик,
Нега йиғлаяпсан ўзингни қуча?!

Мен тонгда кетаман,
Ёзмагин мактуб...
Излашга уринма манзилимни ҳам.
Қачондир бехосдан қайтишим кутиб,
Деразанг олдида ёқиб қўйма шам.

Кетмоқлик чорадир, кетмоқлик – имкон,
Тушун, онам учун ҳали боламан.
Агар тонгда йўлга чиқмасам, ишон
Эртага шомгача қариб қоламан..
Руслан Сабуров.

На этом пока всё

Войдите в ОК, чтобы посмотреть всю ленту