Ман агар даргузарам назди падар гӯронед,
Ки маро баҳри падар рози ниҳон бисёр аст.
Хидматашро бикунам в-арна ҳама кори ҷаҳон,
Пеши қарзи падариву писарӣ бекор аст.
Чун дар ин шаҳд нашуд фурсати сӯҳбат бо ӯ,
Шояд ун ҷо абадудаҳр ҳабибаш гардам.
Ман ки умре зи ғами дурии ӯ месӯзам
Орзуям бувад он дам, ки қарибаш гардам.
Ин ҷаҳон косаи давр аст ҳамегуфт падар,
Ҳарчӣ дар коса бидодӣ ту ҳамон пас гирӣ.
Ҷуръаи шаҳди ин косаи лабрез расад,
Қатрае заҳр диҳӣ баҳри даво дастгирӣ
Хидматашро бикунам в-арна ҳама кори ҷаҳон,
Пеши қарзи падариву писарӣ бекор аст.
Ман агар даргузарам назди падар гӯронед,
Ки маро баҳри падар рози ниҳон бисёр аст.