KIMNING KO'ZI KO'R? Xotinim ilk farzandimizni tuqqanida o'ttiz yoshda edim... O'sha kechani hanuz eslayman...Daydi o'rtoqlarim bilan yarim tungacha choyxonalardan birida gap sotib yotdik...Ma'noli biror gap bo'lganini eslolmayman, quruq oldi-qochdi, g'iybat, haromga to'la gaplar bilan liq to'lgan bir kecha edi...Gapga ustaroq bo'lganim uchun suhbat jilovi mening qo'limda, turfa qiliqlar, gaplar bilan sheriklarni kuldirar edim... O'sha kech ularning juda ichaklarini uzdim...Kishilar ovoziga, qiliqlariga taqlid qilish qobiliyati menda chakana emasdi. Go'yo ovozni o'zgartirish murvati iyagim tagida turtgandek tomog'imga qo'l yuborib bir burab qo'yardimda, bir yumalab Palonchi bo'lib olardim, ke