ԿԱՐՈՏ
Մեր գյուղը գտնվում է Կովկասյան լեռնաշղթայի նախալեռնային գոտում: Այն երեք կողմից շրջապատված է ձորակներով, իսկ հյուսիսային կողմից՝ վեր բարձրացող բլրալանջերով:
Գյուղը բաժանված է երկու թաղամասի՝ վերին/երե/ և ներքին/ներքե/, իսկ նրա ամբողջ երկարությամբ ձգվում է գլխավոր փողոցը, որն ասես գյուղի ողնաշարը լիներ՝ իր վրա կրելով տների մեծ մասը: Ժամանակին գլխավոր փողոցի մի կողմում կար 31 տուն, և գյուղացիք, իմանալով մարտ ամսվա եղանակի խիստ փոփոխական լինելը, այդ տներից ամեն մեկին մի օր էին հատկացնում, այսինքն՝ եթե եղանակը լավ էր, ուրեմն, այդ տան բնակիչները լավն են և հակառակը:
Մեր Ազայիշեն գյուղը հարևան Ղալակա և Ուշտալ գյուղերի հետ կազմում էր մի կոլտնտեսություն՝ Ստ. Շահումյանի անվամբ: Շրջանի առաջավոր