Bir dağam,gəl qoyma aran yerinə,
Aran arandısa,dağdı dağ elə...
Dol mənim içimə boran yerinə,
Gör necə soluram,dayan,bax elə...
Buraxma salamat,sağ çiçəkləri,
Səndən gözəldimi dağ çiçəkləri?..
Dər,apar saçımdan ağ çiçəkləri,
Apar da,özünə bağça-bağ elə...
Bu necə möcüzə,nə sehr,nə sirr,
Adın çəkiləndə ürəyim əsir...
Eləmə bu qədər ədanı kəsir,
İşvəni,nazını doyuncaq elə...
O surət,o qamət,boy səndə qalsın,
Qalsın da o qismət,pay səndə qalsın.
Elə, ürəyim də qoy səndə qalsın,
Oynat,əllərində oyuncaq elə......Kəmaləddin Qədim