Гульсиня Шакирова

Гульсиня Шакирова
Калада рәхәт тормыш
Хикәя. Дәвамы.
Район хастаханәсендә инде
аларның килеп җитүен әзерләнеп көтеп торалар иде.
Зәйтүнәне шулай ук носилкада
гына бала таптыру бүлегенең, бала табар өчен булган бүлмәсенә алып кереп салдылар.Ярый әле авыл белән район арасы ерак түгел.
Кышкы салкын көн булуына да
карамастан Ашыгыч ярдәм машинасының җылы булуы сәбәпле,балалары да шулай ук
яшь әни дә бер мәшәкатьсез
генә китереп җиткерелде хастаханәгә.
Зәйтүнәне хастаханәдә дежурда булган акушер ханым
кабул итеп алды да инде менә
кузгалуга төшәргә әзер булган
соңгылыгын алып, үзен яхшылап карап бар да яхшы
икәненә инангач кына ятып торырга кушып,сөлге аркылы
аның эченә боз белән туңдырылган грелка куйды.
Бу вакытта инде ике сабыйны: ,- ике егетне, балалар
табибы карау белән мәшгүль
иде.Кара инде син бу почык
борыннарны...дип сөйләнә -
сөйләнә ул аларны юындырып,
үлчәп, кулларына исемнәре һәм туган чактагы авырлыклары һәм күпме буйда
икәнлекләрен язып бирка да
бәйләп куйды.Кара инде син
бу шаяннарны,өйдә генә туарга
ниятләгәннәр бит әй, дип әле
берсенә әле икенчесенә карап
сөйләнде дә сөйләнде.Чөнки
бит мондый игезәкләр сирәк
туалар район җирлегендә.
Авырлыклары да яхшы бит...
2кило100 грамм 47 см һәм
2кило 30 грамм 45 см.
Баһадирлар булып тугансыз бит сез молодцы диеп, авызларын бүлтәйтеп яткан
сабыйларны әнисенә күрсәтеп
балалар ята торган бүлмәгә
алып киттеләр.
Зәйтүнәнең үзен дә бер кавымнан палатага чыгардылар.Палатада болай
да ике хатын бар иде инде.Аны
каталкадан караватка күчереп
салгач, аның эче никтер бик каты авырта башлавын ул үзен
монда күчергән шәфкать туташына әйтте.Була ул шулай,
тынычланыгыз һәм чалкан гына ятып торыгыз.Хәзер авыртуны баса торган укол
ясармын.Бала тапканнан соң
була торган авырту инде ул.
Бала яткан урын, матка, үз хәленә кайта кыскара диләр
аны диеп шәфкать туташы
бүлмәдән чыгып югалды.Теге
ханымнар аны баладан котылуы белән котладылар.
Балаларына да үзенә дә исәнлекләрен теләделәр.Алар
инде аның өйдән бәбиләп килүен беләләр иде.Чөнки бит
инде монда аларны алып килүен көтеп торалар иде.Ә
бу берничә генә хатын бала тапкан кечкенә генә бала тудыру йортында бернине дә яшереп калып булмый иде.
Барысы да яхшы булыр Алла
боерса диеп сөйләшеп ятты
алар яткан җирдән генә һәм
Зәйтүнәгә күкрәкләрен угалап
массаж ясап ятарга өйрәттеләр.
Зәйтүнәләрне хастаханәдә
калдыргач, Ашыгыч ярдәм машинасы авыл фельдшеры
белән кайнанасын киредән үз
авылларына илтеп куйды.
Чөнки аларга инде кайтырга
машина юк, ә фельдшер үзе
дә шушы райондагы авылга
хезмәт күрсәтә бит.Бу яктан
караганда аларга районда
хөрмәт белән карыйлар.Менә
шунлыктан бер каршылыксыз
кайтарды аларны Ашыгыч ярдәм машинасы.
Өенә кайткач кына әнисе Әнәскә дә кызларына да бу
шатлыклы хәбәрне шалтыратып җиткезде.Әнәс
инде кайтырга чыккан идә бу
вакытта, юлда иде.Ул туры
олы апасының өенә кайтты.
Белгәнебезчә аның ике апасы
да, гаиләләре белән районда
яшиләр.Алар да әниләре әйткәч бик сөенделәр.Менә
бергәләп барып хәлен дә белеп
кайтырлар.Хастаханә олы апасы торган җирдән ерак та
түгел.Җәяү генә бармалы.Әй,
район бит инде ул.Болай да
зуррак авыл гына инде.Монда
бөтенләй дә район эчендә ике
генә автобус йөри.Аңа да өлкән
кешеләр генә утырып йөри,ә
яшьләр көтеп тә тормыйлар.
Җәяү йөрүне кулайрак күрәләр.
Көтеп торганчы, инде атлый
торасың дия әле шаянраклары.
Кулларында авыррак сумкалары булмаса билгеле.
Әнәс апасы янына кайтып
кергәндә инде аның хастаханәгә
алып барасы әйберләре әзер
иде.Ул бит үзе дә ике балага
шул ук хастаханәдә гомер бүләк иткән кеше.Шуңа күрә дә
аны инде өйрәтеп торасы юк.
Ашарына да, шулай ук башка
хатын - кыз кирәк ярагын да
әзерләгән иде ул.Әйдә син юлдан кайткан көенә тиз генә
ашап - чәйләп ал да киттек
диде ул энесенә.Менә бит әти
дә булып куйдың...котлыйм
энем диеп килеп кочаклап та
сөеп алды әле ул Әнәсне.Алар
Зәйтүнәне һәр ана шикелле үк
тәрәзәдән генә күрә алдылар.
Алып килгән әйберләрен,аста
әйбер ташып торучыга биреп
калдырып чыгып кайтып киттеләр.
Зәйтүнәгә әле балаларны икенче көнне генә китерделәр
имезеп карарга.Ул моңа бик
ныклап әзерләнде.Күкрәкләре
дә катыланып инде сөте дә
төшә башлаган иде бу вакытта.
Аңа күкрәкләрен ничек итеп
балаларын имезү өчен әзерләү
кирәклеген шәфкать туташы да
шулай ук янында ятучы ханымнар да өйрәтеп, күрсәтеп
бирделәр.
Әнәс авылга кайтып кунды да иртән әнисе әзерләп биргән
әйберләрне алып кабат хатыны
янына районга хастаханәгә китте.Ул шуннан эшкә үк китеп
барырга тиеш иде.Тик хастаханә янында кызларының
хәлен белергә дип килгән бабасы белән әбисен очыраткач кире авылга кайтырга туры килде.Әнисе
аларга да оныклары тууын хәбәр иткән иде шул.Ата - ана
түзәмени инде ул, шундый да
шатлыкны уртаклашмыйча.
Менә бит килеп тә җиткәннәр
дип елмайды Әнәс аларга карап.
Дәвамы бар
Гөлсинә Шакирова