Горына,В.Распуціна,С.Злотнікава,Л.Петрушэўскай. Рэжысёр-пастаноўшчык - Генадзь Мушперт. Мастак - Яўген Волкаў. Музычнае афармленне Анатоля Корсака.
Спектакль складаўся з пяці навэл- маналога "Сеткі і лавушкі" (па аднайменным апавяданні Людмілы Петрушэўскай), трох аднаактовых п'ес - "Не, я не Байран, іншы я..." Рыгора Горына, "Два пудзелі" Сямёна Злотнікава, "Любоў" Людмілы Петрушэўскай і інсцэніроўкі апавядання Валянціна Распуціна "Рудольфіо". Розныя творы былі аб'яднаны рэжысёрскім ходам: усе героі - пасажыры электрычкі.
Адкрываў спектакль маналог "Сеткі і лавушкі", які выконвала Любоў Нісневіч. Гэта быў успамін жанчыны, якая перажыла здраду ў самым пачатку жыцця. Юная гераіня абсалютна самотная ў сваёй бядзе, побач няма ніводнай блізкай душы. Менавіта таму яна, як бяздомнае кацяня, рада любой праяве ўдзелу і ласкі.Гераіня жорстка расплачваецца за сваю дзіцячую даверлівасць, адкрытасць, шчырасць. З падкупляючай непасрэднасцю яна ўпускае ў сваю душу чэрствых, ашчадных, жорсткіх пярэваратняў, якія ўмела маніпулююць яе паводзінамі і пачуццямі. Прасвятленне надыходзіць, але якім горкім і страшным яно аказваецца, што проста камянее душа.
У навэле "Не, я не Байран, іншы я" паказвалася, як чалавек спрабуе змагацца з пэўнымі стэрэатыпамі, усеагульнай стандартызацыяй. У ёй ігралі артысты Валянцін Цвяткоў і Валерыя Войчанка.
Навэла "Два пудзелі" распавядала пра знаёмства двух немаладых, вельмі адзінокіх людзей. У ёй віртуозна ігралі народны артыст Беларусі Яўген Шыпіла і заслужаная артыстка БССР Валянціна Петрачкова.
Навэлу "Любоў" можна было б назваць "Нелюбоў", бо галоўны герой, малады мужчына Толя (яго іграў Юрый Кулік) сам прызнаецца, што не можа, не здатны кахаць. Гэта проста сярэднестатыстычны чалаек, над якім аўтары спектакля бязлітасна смяюцца. Што датычыцца яго сяброўкі Светы, то ў яе характары перапляліся рамантычнасць з такой жа абмежаванасцю (яе ролю выконвала Наталля Фацеева).
Апошняя навэла - "Рудольфіо" распвядала пра закаханасць дзяўчыны-падлетка Іо (Таццяна Ліхачова) ў дарослага мужчыну Рудольфа (Пятро Ламан). Той вобраз, які яна сабе намалявала, насамрэч не адпавядае рэальнасці. Таму ілюзіі Іо разбіваюцца ўшчэнт.
Присоединяйтесь к ОК, чтобы подписаться на группу и комментировать публикации.
Нет комментариев