Коласаўскі тэатр

Афіша на красавік 2026-га створаная! Знаёмцеся - і хутчэй набывайце квіткі, пакуль яны ёсць! Коласаўскі тэатр шчыра запрашае на ўсе спектаклі! Сярод красавіцкіх спектакляў: – 1 красавіка, у Дзень смеху, – гастролі артыстаў тэатра і кіно (Масква, Расія). Авантурная смехАмеладрама «50 ОТТЕНКОВ СМЕШНОГО». Пачатак у 19:00 – 4 красавіка (18:00) – першая прэм’ера ў юбілейны год тэатра імя Якуба Коласа! Добрая гісторыя для ўсёй сям'і «ЗІМЫ НЕ БУДЗЕ?» па п'есе Віктара Альшанскага – 5 красавіка (18:00) – прэм'ерны паказ! «ТЫТАНАВАЯ ВЕДЗЬМА» – драматычна-камедыйны трылер на 2-е дзеі па п’есе У.Альхоўскай – 8 красавіка (19:00) – гастролі Буінскага дзяржаўнага драматычнага тэатра (Буінск, Рэспубліка Татарстан). «КАПИТАНСКАЯ ДОЧКА» - запіскі афіцэра пра каханне, вернасць і гонар паводле класічнай аповесці Аляксандра Пушкіна. – 15 красавіка (19:00) – першая прэм’ера ў юбілейны год тэатра імя Якуба Коласа! Добрая гісторыя для ўсёй сям'і «ЗІМЫ НЕ БУДЗЕ?» па п'есе Віктара Альшанскага – 19 красавіка (18:00) – прэм’ера! «НЕЧАКАНАЯ РАДНЯ» - камедыя на 2-е дзеі па п'есе Браніслава Нушыча «Засмучаная радня» – 25 красавіка (18:00) – гастролі артыстаў тэатра і кіно (Масква, Расія). «ТРИ ПЛЮС КОТ» – камедыя па п’есе Яўгена Шастакова Квіткі можна набыць анлайн – https://megavenue.by/widget/event.php?uid=33&vu=index І ў касе тэатра. Даведкі па тэлефоне ў Віцебску (+375 212) 62-63-81. Рэжым работы касы: панядзелак-нядзеля – з 9:30 да 19:30. Перапынкі на абед – 12:00-12:30, 15:30-16:00. Каса працуе без выходных.

Коласаўцы на гастролях у Новым драматычным тэатры (Мінск). Яўген Бераснеў, Дар'я Французава, Юрась Цвірка, Вікторыя Шамардзіна. Запісы зрабіла радыё "Культура" | 102.9 FM

Шчыра віншуем усіх з Міжнародным днём роднай мовы! Любіце нашу родную беларускую мову, чытайце на ёй, пішыце, а галоўнае – размаўляйце! У Нацыянальным акадэмічным драматычным тэатры імя Якуба Коласа яна шчыра, пастаянна гучыць на падмостках і за кулісамі! Сёння, 21 лютага, на камернай сцэне драма-пераасэнсаванне «КАРА-ЦІЦІ-КАРА» («УДОВІН ПАРАХОД») па п'есе «Удовін параход» І.Грэкавай, П.Лунгіна. Пачатак - 18:00. Гісторыя пяці абсалютна розных жанчын. Анфіса, Вольга, Ада, Панька, Капа. Яны мужна прайшлі навалу Вялікай Айчыннай вайны. Лёс сабраў іх у агульнай камунальнай кватэры – «удовіным параходзе», на якім яны плывуць разам, кожная са сваімі бедамі, радасцямі, выпрабаваннямі. Квіткі можна набыць анлайн. І ў касе тэатра. Тэлефон (+375 212) 62-63-81. Рэжым працы касы: панядзелак-нядзеля - з 9:30 да 19:30, перапынкі на абед - 12:00-12:30, 15:30-16:00. Каса працуе без выходных.

Віншуем з днём нараджэння артыста драмы Асвяцінскага Вадзіма Геральдавіча! Вадзім Геральдавіч пачаў працаваць у тэатры імя Якуба Коласа з 1981 года пасля заканчэння Беларускага дзяржаўнага тэатральна-мастацкага інстытута (курс прафесара В.М.Раеўскага). Сярод вобразаў, створаных у апошнія сезоны, вылучаюцца: , Людаед («Кот у ботах» А.Замкоўскага), маэстра Дымуча («Агнявы Леў» А.Кружнова), Палісмэн («Мая жонка - падманшчыца» М.Мэё, М.Энэкена), Мартан («Усе мышы любяць сыр» Д.Урбана), Ляснічы («Папялушка» Т.Габэ паводле Ш.Пэро), Швохнеў ("Вытанчаны падман" па п'есе М.Гогаля «Гульцы»), Ліпень ("Дванаццаць месяцаў" А.Замкоўскага паводле творчасці С.Маршака), Рымас ("Саня, Ваня, з імі Рымас" У.Гуркіна), Прывід бацькі Гамлета і Другі акцёр ("Гамлет" У.Шэкспіра), Чалавек у чорным ("Выбар" А.Дударава). Зычым Вадзіму Геральдавічу моцнага здароўя, невычарпальнай энергіі, выдатнага настрою, новых цікавых роляў!

26 лютага - гастролі Смаленскага камернага тэатра. Містычная гісторыя на 2-е дзеі «ПИКОВАЯ ДАМА» па матывах аднайменнай аповесці А.Пушкіна. Пачатак у 19:00. Пушкінская аповесць «Пиковая дама» ў чытанні галоўнага рэжысёра Смаленскага камернага тэатра Пятра Арлова – гэта маляўнічы, стылёвы, напоўнены арыгінальнай і прыгожай музыкай спектакль. Гэта сцэнічная фантазія, дзе драматычная гісторыя беднай дзяўчыны – выхаванкі старой графіні, – якая нечакана выявіла, што закаханы афіцэр з яе дапамогай пракраўся ў дом зусім не дзеля яе, мудрагеліста пераплятаецца з містычным трылерам. А створаны амаль два стагоддзі таму класічны шэдэўр набывае абсалютна сённяшняе гучанне. Гэта гісторыя пра рок, тут ставіцца вечнае пытанне: ці маем мы моц, каб кіраваць калі не ўласным лёсам, то хаця б сваімі пакутамі? І што ёсць поспех? Пасылаецца ён нам выпадкова ці за заслугі, у якіх мы і самі сабе не заўсёды ўмеем даць справаздачу? У спектаклі глыбока і востра закранута тэма пашыранай у XIX стагоддзі ў шляхетным асяроддзі гульні ў карты як спосабу быцця. Але самае галоўнае – гэта, вядома, Герман – персанаж, рысы характару якога – строгі матэматычны разлік, прагматызм, а таксама здольнасць падначальваць свае пачуцці розуму – родняць яго з Напалеонам, чый феномен і чыё з'яўленне на гістарычнай арэне больш за два стагоддзі займае розумы. Рэжысёр-пастаноўшчык Пётр Арлоў. Сцэнаграфія і касцюмы Святланы Архіпавай, заслужанага мастака Расіі. Кампазітар Уладзімір Брус. Балетмайстар Алена Ягорава, заслужаны работнік культуры Расіі. Мастак па святле Мікалай Агафонаў, заслужаны мастак Расіі. Прэм'ера - 12 красавіка 2024 года. Узроставае абмежаванне - 16+. Працягласць спектакля - 2 гадзіны 40 хвілін з антрактам. Квіткі можна набыць анлайн - https://megavenue.by/widget/event.php?vu=details&event_id=16159&uid=33 І ў касе тэатра! Тэлефон (+375 212) 62-63-81. Рэжым працы касы: панядзелак-нядзеля - з 9:30 да 19:30, перапынкі на абед - 12:00-12:30, 15:30-16:00. Каса працуе без выходных.

25 лютага - гастролі Смаленскага камернага тэатра. Камедыя-вадэвіль з музыкай і танцамі на 2-е дзеі «ХАНУМА» па п'есе Уладзіміра Канстанцінава, Барыса Рацэра па матывах твораў А.Цагарэлі. Пачатак у 19:00. Дзеянне адбываецца ў 2-й палове XIX стагоддзі ў Аўлабары – гандлёвым армянскім квартале старога Тыфліса, дзе, здаецца, можна купіць усё: дом, нявесту, шляхетны тытул… Тут пануе вясёлая і мудрагелістая Ханума – лепшая свацця раёна. Слава Ханумы не дае жыцця яе калегу Кабата, якая шукае магчымасць спрытнай угодай выцерці нос суперніцы. Былы шавец, а цяпер ледзь не самы багаты ў Аўлабары купец Мікіч шукае жаніха для сваёй 16-гадовай дачкі Соны. Ён хоча выдаць юную красуню за чалавека шляхетнага паходжання, каб набыць такім чынам становішча ў грамадстве і тытул. За гэта ён гатоў заплаціць любыя грошы. Кабата прапануе ў жаніхі старога князя Вано Панціяшвілі, які прамантачыў усё сваё багацце і маёмасць брата і марыць выгадна жаніцца. Усё магло б адбыцца, калі б у справу не ўмяшалася ўсюдыісная Ханума… Як ёй гэта атрымалася, ці выйшла Сона замуж па каханні, а таксама ці атрымаў яе славалюбны бацька права ўпрыгожыць сваю карэту княскім гербам - глядач даведаецца, паглядзеўшы музычны спектакль Смаленскага камернага тэатра «Ханума». Рэжысёр-пастаноўшчык Дзмітрый Юмашаў, заслужаны работнік культуры Маскоўскай вобласці. Мастак-пастаноўшчык Святлана Архіпава, заслужаны мастак Расіі. Кампазітар Гія Канчэлі, народны артыст СССР. Балетмайстар Алена Ягорава, заслужаны работнік культуры Расіі. Рэпетытар па вакале Наталля Рагачова. Мастак па святле Мікалай Агафонаў, заслужаны мастак Расіі. Прэм'ера - 27 сакавіка 2025 года. Узроставае абмежаванне - 16+. Працягласць - 2 гадзіны 15 хвілін. Спектакль ідзе на рускай мове. Квіткі можна набыць анлайн. І ў касе тэатра! Тэлефон (+375 212) 62-63-81. Рэжым працы касы: панядзелак-нядзеля - з 9:30 да 19:30, перапынкі на абед - 12:00-12:30, 15:30-16:00. Каса працуе без выходных.

У Віцебскай абласной бібіліятэцы імя В.І.Леніна прайшла творчая сустрэча з артыстам-коласаўцам, вядучым майстрам сцэны, уладальнікам медаля Францыска Скарыны Юрасём Цвіркам. Гэта першая імпрэза ў межах сумеснага праекту "Коласаўцы", створанага бібліятэкай і Нацыянальным акадэмічным драматычным тэатрам імя Якуба Коласа. Праект прымеркаваны да 100-годдзя тэатра, якое адзначаецца 21 лістапада 2026 года. У актавай зале бібліятэкі быў аншлаг. Як кажуць, сапраўды яблыку не было дзе ўпасці. І гэта невыпадкова. Юрый Браніслававіч – улюбёнец віцебскай публікі, сапраўдны народны артыст. Юрый Браніслававіч – выдатны апавядальнік, прычым вельмі адкрыты, просты і гаваркі чалавек. У гэтым маглі ўпэўніцца гледачы, што прыйшлі на сустрэчу. Яны пачулі мноства цікавых гісторый з тэатральнага і прыватнага жыцця артыста, пачынаючы з самага маленства. Але ж усё-такі галоўнае – творчы складнік біяграфіі Юрыя Браніслававіча. Ён сыграў каля 120 роляў у коласаўскім тэатры, куды прыйшоў у 1991 годзе, не маючы тэатральнай адукацыі, а толькі багаты вопыт выступленняў на самадзейнай сцэне і выдатныя акцёрскія дадзеныя. У творчай вечарыне прынялі ўдзел калегі Юрася Цвіркі – заслужаны артыст Рэспублікі Беларусь Вячаслаў Грушоў, мастацкі кіраўнік Коласаўскага тэатра Канстанцін Ганчароў, вядучы майстар сцэны Ніна Обухава, а таксама былы супрацоўнік тэатра Святлана Дашкевіч. Яны высока ацанілі Юрыя Браніслававіча як выдатнага сцэнічнага партнёра і артыста, які цалкам, захоплена аддаецца сваёй рабоце. Напрыканцы гледачы дарылі кветкі і задавалі пытанні. Наступная сустрэча ў межах праекту "Коласаўцы" прызначана на сакавік. Сачыце за рэкламай!

Хутка пачынаецца вясна – і Коласаўскі тэатр чакае сваіх шаноўных гледачоў на спектаклях у сакавіку! Знаёмцеся з афішай! Клічце сяброў і знаёмых! Сярод сакавіцкіх спектакляў: – 2 сакавіка (19:00) – гастролі артыстаў тэатра і кіно (Масква, Расія). «МОЯ БЕЗУМНАЯ СВАДЬБА» – самая смешная камедыя паводле апавядання М.Зошчанкі «Вясельнае здарэнне» – 7 сакавіка (18:00) – прэм’ера! «НЕЧАКАНАЯ РАДНЯ» – камедыя на 2-е дзеі па п’есе Б.Нушыча «Засмучаная радня» – 15 сакавіка (18:00) – прэм’ера! «ВЯСЕЛЛЕ-БУФ» – тэатральная буфанада па п’есе Б.Брэхта «Мяшчанскае вяселле» – 20 сакавіка (19:00) – гастролі Тэатра Дзвюх (Санкт-Пецярбург, Расія). «ПИЛА ВИНО И ХОХОТАЛА. КРАСНОЕ» – спектакль-дзявочнік паводле рэальных гісторый з жаночых форумаў – 22 сакавіка (12:00) – прэм'ера! «ЛЯСНОЕ СЯБРОЎСТВА» – казка па п’есе А.Замкоўскага – 22 сакавіка (18:00) – прэм'ера! «ТЫТАНАВАЯ ВЕДЗЬМА» – драматычна-камедыйны трылер на 2-е дзеі па п’есе У.Альхоўскай – 23 сакавіка (19:00) – гастролі Маскоўскага сучаснага мастацкага тэатра (Расія). «АННА КАРЕНИНА» – драма ў 2-х частках паводле аднайменнага рамана Л.Талстога – 27 сакавіка (19:00) – спектакль да Міжнароднага дня тэатра і 100-годдзя тэатра імя Якуба Коласа прысвячаецца. «НЕСЦЕРКА» – камедыя на 3-ы дзеі па п’есе В.Вольскага Квіткі можна набыць анлайн – https://megavenue.by/widget/event.php?uid=33&vu=index І ў касе тэатра! Даведкі па тэлефоне ў Віцебску (+375 212) 62-63-81. Рэжым работы касы: панядзелак-нядзеля – з 9:30 да 19:30. Перапынкі на абед – 12:00-12:30, 15:30-16:00. Каса працуе без выходных.