Хроніка часоў трыццацігадовай вайны ў 2-х частках – так вызначыў жанр спектакля рэжысёр, Сямён (Саламон) Казіміроўскі, заслужаны дзеяч мастацтваў БССР, лаўрэата Дзяржаўнай прэміі БССР. Мастак-пастаноўшчык Аляксандр Салаўёў. Кампазітар Паўль Дэсаў. Рэжысёр-асістэнт і музычны кіраўнік спектакля Барыс Насоўскі.
П’еса і спектакль распавядаюць пра 12 дванаццаць гадоў блуканняў гандляркі «матухны Кураж» са сваімі дзецьмі і таварамі па палях і акопах Трыццацігадовай вайны (1618–1648). Для галоўнай гераіні вайна для яе – добрая справа, яна прыносіць прыбытак, хоць і пазбаўляе дзяцей. «Здавалася, што даўно забытая вайна ўваскрэшана Брэхтам як страшнае і магутнае папярэджанне народам Еўропы пра навіслую над імі бяду, – пісаў Саламон Казіміроўскі ў сваёй кнізе «Не так это просто, когда за девяносто». – Вельмі своечасовае папярэджанне. Злавесны цень фашызму ўжо навіс над светам. Я быў літаральна абпалены талентам і жарсцю драматурга». Спектакль лічыцца адной з лепшых пастановак Казіміроўскага на коласаўскай сцэне.
У спектаклі была задзейнічана большая частка тагачаснай трупы: заслужаная артыстка БССР Г.Маркіна (Матухна Кураж), С.Акружная / Н.Левашова / Т.Шапшалава (Катрын, яе нямая дачка), Ю.Засядацелеў / Л.Трушко (Эйліф, яе старэйшы сын), І.Нікалаеў / Б.Сяўко (Швейцарац, яе малодшы сын), заслужаны артыст БССР Т.Кокштыс (Вярбоўшчык), заслужаны работнік культуры БССР Я.Буракоў (Фельдфебель), заслужаны артыст БССР У.Куляшоў (Кухар) і многія іншыя.
Присоединяйтесь к ОК, чтобы подписаться на группу и комментировать публикации.
Нет комментариев