Рэжысёрам-пастаноўшчыкам быў запрошаны заслужаны дзеч мастацтваў Кабардзіна-Балкарскай АССР Андрэй Яфрэмаў, выхаванец мхатаўскай школы, вучань К.С.Станіслаўскага. Мастак - Яўген Каваленка.
У блуканнях па Расіі сустракаюцца трагік Нешчасліўцаў і комік Шчасліўцаў. Воляю выпадку яны аказваюцца недалёка ад маёнтка Гурмыжскай, цёткі Нешчасліўцава. А там усё змяшалася - цётка збіраецца замуж за юнака, сусед выгадвае, як танней скупіць цётчын лес, пляменніца-беспасажніца, не спадзяючыся на шчаслівае замужжа, збіраецца тапіцца, а гімназіст-недавука гатовы ажаніцца, каб забяспечыць сваю будучыню. І ў гэтым віры падзей толькі жабракі акцёры ўмеюць па-сапраўднаму суперажываць блізкаму.
У спектаклі з новай сілай раскрыўся акцёрскі патэнцыял карыфеяў коласаўскай сцэны - вялікі рамантыка-трагедыйны дар народнага артыста БССР Мікалая Звездачотава ў ролі артыста-трагіка Генадзя Нешчасліўцава, народнага артыста СССР Аляксандра Ільінскага ў ролі артыста-коміка Аркашкі Шчасліўцава і народнай артысткі БССР Алены Радзялоўскай, што стварыла вобраз Гурмыжскай.
У астатніх ролях былі занятыя: народныя артысты БССР Цімох Сяргейчык (Васьмібратаў), Яніна Глебаўская (Уліта), Анатоль Трус (Карп), заслужаны артыст БССР Сцяпан Скальскі (Мілонаў), будучы народны артыст СССР Фёдар Шмакаў (Пятро) і іншыя.
Присоединяйтесь к ОК, чтобы подписаться на группу и комментировать публикации.
Нет комментариев