З дзіцячых год працавала ў цырку іна эстрадзе (Растоў-на Доне, Кіеў, Мінск). У складзе адной з эстрадных брыгад прыехала ў Віцебск. Захапленне спектаклямі БДТ-2 (цяпер- тэатр імя Якуба Коласа), а магчыма, і каханне да маладога Іосіфа Матусевіча прывяло яе ў студыю пры БДТ-2. І адразу ж увайшла ў шэраг спектакляў, дзе яе музычныя, харэаграфічныя даныя прыйшліся вельмі дарэчы. Расло майстэрства, пашыраўся творчы дыяпазон. Гледачу запомніліся яе Рэгіна ў "Зданях" Г.Ібсена, Марыяна ў "Забаўным выпадку" К.Гальдоні–ролі, якія апроч сцэнічнага абаяння, патрабавалі прафесіяналізму. У маладыя гады мела амплуа травесці, таму іграла непасрэдных абаяльных дзяўчат (Каця -"Дзеці Ванюшына" С.Найдзёнава, Валя - "Ірынка" К.Чорнага, пазней, у 1950-я гады - Аўдоля - "Навальніца будзе" А.Звонака па трылогіі Я.Коласа "На ростанях"). Сярод вобразаў таго часу - Данілка ў "Раскіданым гняздзе" -роля. якая патрабавала філасофскага асэнсавання.
З узростам перайшла на характарныя ролі: Малання ("Мінулася кату масленіца" А.Астроўскага), Кума ("Улада цемры" Л.Талстога), пані Драга ("Доктар філасофіі" Б.Нушыча), Анэля ("Дамы і гусары" А.Фрэдры). Выконвала і ролі маладых гераінь: Марына ("Людзі і д'яблы" К.Крапівы), Джэма ("Авадзень" Э.Л.Войніч). Сярод вобразаў, створаных у апошнія гады - Марына Казюра, партызанская маці ("Снежныя зімы" І.Шамякіна), Сцепаніда Моўчан ("Амністыя" М.Матукоўскага), Няня ("Пунсовая кветачка" І.Карнаухавай, Л.Браусевіч).
Присоединяйтесь к ОК, чтобы подписаться на группу и комментировать публикации.
Нет комментариев