Рэжысёр-пастаноўшчык - заслужаны артыст РБ Генадзь Шкуратаў. Мастак - Святлана Макаранка. Музычнае афармленне Аляксандра Крыштафовіча.
Гэта была смешная і адначасова сумная гісторыя пра жанчын у пошуках кахання, што падымала, аднак, важныя праблемы нашага грамадства і нават узыходзячая да філасофскага асэнсавання рэчаіснасці.
Цягам усяго спектакля дзейныя асобы (а гэта жанчыны рознага ўзросту) рыхтаваліся да вяселля. Нявесту клікалі Адэлаіда (яе іграла Таццяна Ліхачова), і збіралася яна ашчаслівіць нейкага зайздроснага жаніха Валодзю, якога мы гэтак і не ўбачым. Поруч з Адэлаідай – яе мама (Людміла Пісарава, пазней Раіса Грыбовіч), якая выгадавала дачку сваю ў адзіноце; яшчэ сяброўка Люся (Вольга Куляшова, Святлана Жукоўская), шыбуючая па жыцці ў ролі маці-адзіночкі; яшчэ былы муж Адэлаіды Кочкін (Георгій Лойка, Аляксандр Фралоў), адпрэчаны ёю з прычыны сацыяльнай і мужчынскай безгрунтоўнасці. Побач, на правах былой радні, і маці Кочкіна Віялета Харытонаўна (Тамара Шашкіна) – удава. Прыбывае ў госці яшчэ начальніца мясцовага ЖЭСа Нінэль Георгіеўна (Зінаіда Гурбо), дама дзейная, але, як і ўсе, самотная.
Присоединяйтесь к ОК, чтобы подписаться на группу и комментировать публикации.
Нет комментариев