Чолман

Вузлаште студент ешаралтын Тений Башкирийысе вузлашке икымше курсыш 29 тӱжем утла студент тунемаш пурен. БР Наука да кӱшыл образований шотышто кугыжаныш комитетым вуйлатыше Светлана Мустафинан рашемдымыж почеш, куд федеральный да республикысе ик вузын данныйыштым лончылымаш самырык-влак коклаште кӱшыл образованийым налаш кумылан-влак ешаралтмым ончыкта. Вузлаш тунемаш пураш йодмашын чотшо тений 45 процентлан шукемын. Тидлан тушто бюджет вер ешаралтме, целевой прием йӧн шарлымаш, тыгак 2008 ийыште эн шуко шочшо-влакын вузлашке тунемаш мийымышт дене кылдалтын. Тыгак йот элын студентше-влакым оксала тунемме верлаш зачислений-влак шуйнат. Специальный военный операцийын участникше да нунын ешыштланат тӱткышым ойырат - 813 еҥлан да ешыштлан вузлаш тунемаш пураш льготым ыштыме, увертара «Башинформ». Л. ГРИГОРЬЕВА.