Чолман

«Илышыште мо ышталтеш - чылажат сайлан» Тыгай шонымаш дене илен да ила Галина Айгузина. «Мый Мишкан районеш, ямле Пÿрӧвÿд воктенсе Пÿрӧмучаш ялеш шочынам, Караидель районысо Шопкерыш марлан лектынам, ешна дене лу ий Благовещенск районысо Кушкуль ялыште пашам ыштен иленна, ӱмыргорнына Нуриман районысо Павловка селаште эрта - тыште ынде коло кандашымше ий илена. Илыш корнемым шуко тÿрлӧ калык илыман Пошкырт кундемнан районлаштыже эртараш пуйырен. Руш, марий, татар, пошкырт, казах-влак дене ваш келшен пашам ыштенам, марий улмемымат нигунам монден омыл. Чыла вереат икте-весым умылымашым, пагалымашым да полшен илымым шижынам. Ончыкыжат тыгак лийже, вет элыштына да республикыштына ик калыкын весе дене келшен илымыжлан кугу тӱткылык ойыралтеш. 2026-шо ий Россий Президентын указше почеш Калык-влакын икоян улмо идалыкыштлан пӧлеклалтын», - тыгерак каласыш илыш пÿрымашыж нерген икымше шонымашыжым Галина Алексеевна. 👇👇👇 (Умбакыже тыгай ссылке почеш лудса) https://cholman.info/articles/aydeme-pashazh-dene-motor/2026-03-05/ilyshyshte-mo-yshtaltesh-chylazhat-saylan-4602985

Мо тугай Басиян? «Кож ден пÿнчын шулдырышт йымалне» шарнымаш повесть гыч ужаш. Шыже лавыра толын шуэш. Чонеш витарыше шыже йÿр чарнашат ок шоно! Кеч путырак модмет шуэш гынат, уремышкат нерым ончыкташ от тошт. Но теве ик тыгай люрга кечын пöрт ончыланна машина толын шогалеш. Ужам, шофёр пелен чот сагыныме Райса акаемын вуйжо койылалта, шкежат кабина гыч шыргыжал вола. Ура-а, йöратыме Райса акам толын, Басиян гыч пöртылын! Йыле гына ик кудо гоч родына - бригадир Петр чÿчÿат толын шуэш, весат погынат. Вет кузов гыч чиян-чиян неле сондыкым волтыман - пöръеҥ деч посна огешак лий! Пурат, ÿстел йыр погынен шинчыт, а акам пашаеҥ-влакым мÿндырч кондымо спирт дене сийла. 👇👇👇 (Умбакыже тыгай ссылке почеш лудса) https://cholman.info/articles/sylnymut-alanyshte/2026-03-13/mo-tugay-basiyan-4613374

11955661834974

Cуапле пашажым пагалат Роза Ивановна Убаева (ӱдыр фамилийже) 1951 ий 5 январьыште Мишкан районысо Октябрь ялеш шочын. Лу ияшыж годым ешыже Чорай селаш илаш куснен, да тыге ӱдырын самырык жапшат, вараже ончыкылык илышыжат Чорай дене кылдалтыныт. 👇👇👇 (Умбакыже тыгай ссылке почеш лудса) https://cholman.info/articles/aydeme-pashazh-dene-motor/2026-02-05/cuaple-pashazhym-pagalat-4565302

Ваш келшен да икте-весылан эҥертен илат Кажне кундем шкенжын илалше еҥже-влак дене кугешна да нунын шуктымо пашаштым порын шарнен ила. XX курымын 60-80-ше ийлаштыже ял илыш пеш писын вияҥын, шуко чоҥымо паша шукталтын, ял-влак ий гыч ийыш тÿзланеныт. Самырык-влак ялеш илаш кодыныт, ешым чумыреныт, икшывым куштеныт. Чылалан паша вер ситен. Колхоз-влак, соцтаҥасымашыш ушнен, шурным куштеныт, вольыкым онченыт, артыкшым кугыжанышлан ужаленыт. Суртыштат паша ситышашлык лийын гынат, самырыкшат, илалшыжат паша деч вара ял клубыш вашкеныт, ансамбльыште муреныт-куштеныт, пьесым шынденыт, пайрем сайын кугу концертым ончыктеныт. Илыш йӧсӧ, паша шуко манын, вуйым шупшын огытыл, чыла вере шуыныт. Кызыт тиде жапым сайын шарнена, но ик жап гыч тудо историеш гына кодеш. 👇👇👇 (Умбакыже тыгай ссылке почеш лудса) https://cholman.info/articles/2018-iy-esh-idalyk/2026-01-30/vash-kelshen-da-ikte-vesylan-e-erten-ilat-4558208

Ямле пагыт Адак ик ямле пагытым шарнальым… Ош лумым сурык вученна тунам. Шем лавырам леведын, теле толын, У ий, каникул, лум - могай куан! Лумгурчакет шога, ведрам упшалын, Мӱндыркак кешыр нерже койылда. Тӱрвым нулал тамлаш толшо мераҥым Капка йымач пий шыдын лӱдыкта. Йоча-влак курыкыш кӱзат-волалыт, Издер да ече дене мунчалтат. Моктаныме йӱкат шокта: «Мый - курык патыр!» Да тыманмеш ты патырым шӱкал волтат. Эҥер ӱмбак ала воштончыш возын? Кече вашеш ий шийын чолгыжеш. Йоҥга тораш: «Гол!», «Шайба!», «Штанга!», «Огыл!» Хоккей гыч каратэ кырт ылыжеш... Но тиде ямле пагыт ожно лийын... «Гаджет» манмеш «кылдалтын» йочана. Лач шып кастен, ече тоям кучалын, Каят урем дене коча-кова. Пошкудо, лек уремыш йочам налын, Айда меат пырля юарлена! Шуаралтеш пӱртӱсыштӧ тазалык, Да шарналташ кодеш йочаланна. Татьяна АЛПАЕВА. Пӧкленде ял, Мишкан район. Авторын фотожо.

Вот тиде поҥго! Мыйын пошкудем, Костя Атыев, «шып» сонарым йӧрата. Шукерте огыл 56 килограмм поҥгым поген. Поҥгыжат пе-е-еш оҥай, пуэн овартыме шар гай… «Тиде йӱрвоҥго. Ик поҥгыжо 25, весыже 19, нылытше пырля 12 килограмм нелытан ыльыч. - манеш Костя. - Ты поҥгым кочкыт. Ожно ачамат пога ыле, мыят тугак погем. Шарнем, сӱанем годым ачам шым поҥгым кондыш, тушеч кок таз пирожким кӱэштна». И. ПЕТРОВ. Маядык ял, Дӧртыльӧ район. Авторын колтымо фото.

10 декабрь - Марий тиште кече. Тӱрлӧ вере тӱрлын ойлат Пошкырт кундемысе моло верла дене таҥастарымаште, маядык-влак вестӱрлынрак мутланат. Мемнан йылмыште татар йылме гыч кӱсынлымӧ мут шуко. Южо районлаште илыше-влак тудым чылаж годым огытат умыло. 👇👇👇 (Умбакыже тыгай ссылке почеш лудса) https://cholman.info/articles/u-nomer/2025-12-10/10-dekabr-mariy-tishte-keche-t-rl-vere-t-rlyn-oylat-4500056