Гульсиня Шакирова

Калада рәхәт тормыш
Хикәя.Дәвамы.
Зәйтүнәнең әтисе белән әнисе
кодагыйлары шалтыратып яңа
хәбәрне җиткерү белән юлга
әзерләнә башладылар.Инде
күптән әзерләп куелган булса
да кабат бер кат барысын да
барлап чыкты әнисе.Әтисенең
бәлкем әле бу юлы алып бармасак та ярар дигән сүзен
ул ишетергә дә теләмәде.Юк
инде әтисе ,кодагыйларда
булсын барлык балаларга
алынган әйберләр,дип иренең
сүзләрен кире какты.Без бит
кодагый белән барын да сөйләшеп киңәшеп куйдык инде диде аннан соң.Безнең
еракта торганны да белеп торасың бит.Алар кызыбыздан
һәм балалардан кул сузым арада гына.Һәрвакыт килеп -
китеп торалар.Кодачалар да
районда гына яшиләр.Бик уңдык инде кодагыйлардан да
киявебездән дә Аллага шөкер
дип тагын бер кат сөенүен иренә әйтеп алды.Кичтән бар
әйберне дә әзерләп калдырып,
иртән юлга да чыктылар.Ярый
әле авылдашлары машинасы
белән алып барып кайтырга
ризалыгын бирде.Шунлыктан
алар хастаханә янында Әнәс белән күрешү бәхетенә дә ирештеләр.Бабасы инде бигрәк
тә, алтын кош тоткан диярсең.
Үземнән булмады кияү, тик кызлар ташып ятты әбиең ,ә
син молодец булдырдың.Ике
лачындай егет бит әй, исән -
сау гына булып үстерергә язсын инде балакайларны дип
Әнәснең аркасына көрәктәй
дәү куллары белән шап - шоп
сугып сөеп котлады.Әбисе дә
бик шат иде билгеле.Тик иренең кинаяле сүзләре генә
бераз каефен җибәрде, тик ул
берни сиздермичә киявенә үз
котлавын җиткерде.Алар бергә
Зәйтүнә яткан палата тәрәзәсенә килеп,аның белән
сөйләштеләр.Алып килгән
күчтәнәчләрен инде аңа тапшырганнар икән,ул аларга
рәхмәтен җиткерде.Аннан инде
торып торырга кушып үзе
малайларын күрсәтә алмассыз
микән ерактан әниемнәр килгән иде диеп сорау өчен
шәфкать туташлары янына постка китте.Иремнең дә бик
тә күрәсе килә бит дигәч,аңа,
ярар барыбер ашатыр
вакытыгыз җитеп килә икән бит инде,хәзер алып киләм диеп шәфкать туташы балалар
яткан бүлмәгә кереп китеп,ике
кулына матур итеп төрелгән
почык борынлы игезәк малайларын тотып палатага
алып керде һәм тәрәзәдән күз
дә алмыйча карап торган әти-
әнисенә һәм ире Әнәсенә күрсәтте.Шундый кечкенә иде
алар,тик пиленкага төреп куйгач матур иделәр шул.Менә
бит дип сөенделәр бүлмәдәш
хатыннары да.Аннан шәфкать
туташы игезәкләрне караватка
салды да теге хатыннарга да
сабыйларын алып килер өчен
палатадан чыгып китте.
Зәйтүнә дә саубуллашып сабыйларын ашатырга дип
әзерләнә башлады.Үзе теге
хатыннардан үзенең сабыйларының нишләп еламыйлар икән дип сорады.
И әле кечкенә бит алар, өлгерерләр еларга да дип елмаеп җаваплады тегеләре.
Менә бер елап күрсәтерләр әле
тамаклары ача башласа да дип
көлештеләр аннары.Әле бит
аларга тегендә ашаталар синең
сөтең җитмәгәнгә.Менә берәр
көннән сөтең яхшы төшсә,үз
сөтең белән тиз җыялар әле алар авырлыкларын дип остарып та алдылар.Шулай булмый ни, аларның берсе инде өченче ,ә берсе икенче сабыйларын табарга килгәннәр
бит.Зәйтүнә аларның өйрәткән,
биргән киңәшләрен бик сөенеп
тыңлый,исендә калдырырга
тырыша .Ярый да бит барысы
да җиңел генә барса.Авырмый
гына үссәләр.Алай гына булмас шул ул.Әле монда күпме яткырырлар бит,анысы
да билгесез.Балалар табибы
үзе балаларың сөбханалла гел
ашарга сорап торалар дия дә
бит,ә имиен бик суырасылары
килми кебек тоела Зәйтүнәгә.
Ике көндә кая инде син бик
тиз дип әрләп тә куялар аны
бүлмәдәшләре.
Әнәс белән әтиләре Зәйтүнә белән саубуллашканнан соң,
аларның килгән машинасы белән авылга әниләренә кайтып китте.Алар белән аннан
кире районга килергә иде аның
исәбе.Өйдә аларның киләсен
белгәнгә күрә әнисе дә әтисе
дә өйдә иделәр.Җиңелчә генә
өстәл дә әзерләп өлгерткәннәр
икән.Бергәләп сөенешеп чәйләп алдылар.Аннан , ара
еракны искә алып, балаларны
чыгарганда гына килә алсак
иде диеп кайтырга соңлыйбыз
ачуланмагыз инде кузгалыйк,
юлчы кешенең юлда булуы кадерле диеп кайтырга әзерләнделәр.Кышкы көн, кылыч озынлыгы гына бит ул
үтә дә китә дип елмаешты ике
кода саубуллашканда.Әнәс тә
кабат әти - әнисе белән саубуллашып, бабалары белән
китеп барды.Көн кыска шул,
диде ул бабасына машинага
кереп утыргач.Алар районда
аерылыштылар һәм ул аларга хәерле юл теләп үзенең
яшәгән каласына китеп барды.
Инде эшендә аның игезәк уллары тууы хакында беләләр
иде, ул килеп кергәч аны котлап матур сүзләр дә әйтеп
алдылар.Сабыйларның озын
гомерле булуларын да теләп
уздылар.Зәйтүнәне дә белеп
сөйләшкәч, Әнәскә аерата да
рәхәт иде аларның сорашуы да
котлаулары да.
Әнәсләрнең бу көннәрдә эшләре алай күп түгел иде әле.
Ул шуннан файлаланып,эш
вакытында профсоюз башлыгы янына, торак мәсәләсен белешергә кереп чыгарга булды.Әле алар аның
игезәкләре тууын белмиләр
булып чыкты.Әнәс шул турыда
әйткәч,әйдәгез әле бергәләп
хуҗа янына да кереп чыгыйк
диеп директор кабинетына
алып кереп китте.Директор
Әнәснең дә аның хәләл җефете
Зәйтүнәсенең дә үз эшләренә
намус белән карауларын белә
иде.Шуңа күрә профсоюз җитәкчесенең аларга фатир сорап керүенә гаҗәпләнмәде.
Нинди вариантлар бар, уйлап
карарбыз да уңай хәл итәргә
тырышырбыз диеп аларны озатып калды.Бик җайлы чагы
туры килде бит әле Аллага шөкер диеп үзенең эш урынына килде Әнәс сөенеп.
Зәйтүнәнең дә күкрәкләренә
чынлап та сөте күпләп төшә
башлады.Ул һәрвакыт сөтләп
кайнар чәй эчәргә тырышты.
Аңа бүлмәдәш хатыннар әйткән сүзләре дә дөрескә
чыкты.Аның уллары да елый
белә башладылар.Иң нәзек
тавыш та аларныкы.Менә бүген кабат бер ханымны салдылар палатага.Инде алар
палатасы тулы хәзер.Бүген
бала табучы әнинең бишенче
сабыен алырга килүе икән.
Ул сөенеченнән кояш кебек елмая.Кызларым да бар, улым
да бар иде.Монысы бит көтмәгәндә генә дөньяга аваз
салды Ходаемның рәхмәте дип
бисмилласын да укып алды.
Инде олылары олы иде дә бит.
Нишлисең, тыныч кына ятмагыз әле,өегездән бала тавышы тынып тормасын дигәндер инде Ходай.Кечесе
быел мәктәпкә барасы иде бит,
ә монысы инде безне тәрбия кылырга дип туды,төпчек улыбыз диеп гел әтисе - әнисен
дигән телдә сөйләнде бу апа.
Белсәгез иде нинди баһадир
икенен биш кило бит, биш кило
дип кат - кат кабатлады.
Зәйтүнә аның биш кило бит
дип кабатлавыннан соң, үзенең
ике баласы бергә дә дүрт кило
да йөз илле грамм гына икәнен
уйлап куйды.
Дәвамы бар
Гөлсинә Шакирова