Кӧлан тунемаш пурат?

Тений кыдалаш профессиональный образованийым пуышо учрежденийлаште абитуриент-влак утларакшым технический направлений-влакым ойыреныт. Россий Просвещений министерствын увертарымыж почеш, «Программирование и IT-технологии», «Машиностроение и промышленное производство», «Строительство и архитектура» специальность-влак поснак кумдан шарленыт. Самырык-влак коклаште тыгак медицина пашаеҥ да тӱҥалтыш класслаште туныктышо лияш шонышо ятыр. Туризм сфера да гостиничный бизнес дене кылдалтше пашат кугу йодмаш дене пайдалана, увертара «Башинформ».
Л. ШАВАЛИЕВА.