У ий кожым моторландарышна

Илыш шке корныж дене кая: пайрем годым пайрем пуш лийже, паша годым - паша. Ойгыжат уло, но илышышыште куан да сеҥымаш озаланыже манын, изи гынат, но чон гыч лекше порылыкым ышташ шонышна. Тӧргымдӱр ялысе тӱвыра да спорт паркыште акайна-кокайна-влак, уремыште йӱштӧ ыле гынат, пеш тыршышт. Тиде фотокарточка-влак мӱндыр элыште СВО-што улшо шкенан ял рвезе-влак декат миен шуыт ала… Кумылда кеч изиш нӧлталалтеш манын, стадионеш У ий кожым моторландарышна. Патырна-влаклан таза-эсен пӧртыл толаш тыланена. Кугу Сеҥымаш дене пӧртылын, ик ешла погынашда Ош Кугу Юмо пуйырыжо.
Т. ИРБУЛАТОВА.Тӧргымдӱр ял, Мишкан район.
Авторын колтымо фото-влак.