Россий Президент йодышлан вашешта

19 декабрьыште 12.00 шагатеш (Москвасе жап дене) Россий Президент Владимир Путин журналист-влакын да элысе калыкын йодышыштлан вашешта. Тургыжландарыше йодышым moskva-putinu.ru ( москва-путину.рф ) сайт гоч, 0-40-40 номерыш смс- але ммс-серышым колтен, тыгак 8-800-200-40-40 телефон дене пуаш лиеш. Текст семын возымо да видеоформатан йодыш-влакым «ВКонтакте» ( vk.com/moskvaputinu ) ден «Одноклассники» ( ok.ru/moskvaputinu ) соцлаштыклаш колташ, тыгак MAX мессенджерыште ( max.ru/moskvaputinu ) чат-бот дене пайдаланаш лиеш. Йодыш-влакым «Итоги года с Владимиром Путиным» передача пытымеш налыт, увертара Kremlin.ru сайт.
Л. ШАВАЛИЕВА.