Чолман

Корныда волгыдо лийже, йоча-влак! 4 декабрьыште школыштына 1-ше классыш те тунемше-влакын «Орлята России» Всероссийский мер организацийыш ушнымыштлан пӧлеклыме торжественный церемоний эртыш. Тиде событий йоча-влаклан поснак кӱлешан лийын, вет тушто нуным шуко у шинчымашым пуышо, оҥай да пайдале тат, вашлиймаш-влак вучат. «Орлята России» - тиде элнан чолга гражданже-влакым куштымо шотышто тӱҥалтыш школлан элысе кугу проект. Ӱдыр-рвезе-влак тиде кечын торжественный товатмутым йоҥгалтарышт. Тӱҥалтыш школышто тунемше-влаклан галстукым да значокым кучыктымо. Торжественный церемонийыште Афган сарын участникше О.Г. Акадеев тунемше-влак тиде лӱмым чаплын нумалаш тӱҥалыт да ончыкыжым школнан да элнан кугешнымашышт лийыт манын, ӱшанен каласыш. Ме уло шӱм-чон дене нунылан сай паша, кугу сеҥымаш-влак верч поро корно дене ӱшанлын ошкылаш тыланена! М. ЯПАРОВА. Кужнур, Бирск район. Авторын колтымо фото-влак.