#Чолман #Аван_кечыже_вашеш #эн_шерге_айдеме

Ава лыве гае, ава муро гае,
Аван шӱмжӧ кече дечат шокшырак…
Ноябрь тылзын пытартыш рушарняштыже элыште Аван кечыжым палемдат. Тиде ныжыл пайрем вашеш соцлаштыкыштына эн шергакан айдеме - ава-влакын - икшывышт дене пырля возалтме мотор фотоштым вераҥдаш тӱҥалына. Тыгай фотода-влакым, лӱм ден фамилийым, илыме верым ончыктен, «Чолманын» ВКонтакте лаштыкышкыже але cholman@mail.ru электрон почтыш колтен кертыда.
А тиде сылне фотошто Нефтекамск олаште илыше Ульяна ИПАЕВА ден Никита эргыжым ужыда. Аваже туныктышо улеш, эргыже 6-шо школын инженерный классыштыже тунемеш. Нуно коктынат шочмо калыкын тӱвыражлан кумылан да усталык шӱлышан улыт.