Таза кочкыш арня

Школыштына «Таза кочкыш арня» эрта. Тиде мероприятийын тӱҥ шонымашыже - тунемше-влакын чын кочкышын кӱлешлыкше нерген шинчымашыштым келгемдымаш, йоча-влакын тазалыкыштым аралаш да пеҥгыдемдаш йӧным ыштымаш.

«Таза кочкыш арня» годым таза илыш-йӱлам шараш полшышо тӱрлӧ мероприятийым эртарена. Класс вуйлатыше-влак «Пайдале кочкыш тӱняш путешествий» квестым, саскаемыж гыч экоскульптур-влакын «Витаминные шедевры» выставкым, викториным, сӱрет конкурсым эртареныт.

Тазалык айдемылан эн шерге. Чӱчкыдын черланена гын, тӱрыс тунемын да пашам ыштен огына керт, кумылна вола. Туге гынат тазалыкна утларакшым шкенан деч да кузе кочмына деч шога.